至尊重慶雞煲 (已結業)

之前听同事讲呢度嘅鸡煲放题抵食，于是同阿妹去试下。因为阿妹唔食得辣，于是叫咗猪肚鸡煲。等鸡煲期间出去攞小食。小食种类颇多，由生果到冷盘同热食都有，差不多清盘嘅时候亦会有补充，呢点好过好多其他食放题嘅地方。等到鸡煲上场，一个鸡煲竟然有5,6块鸡颈，部分猪肚仲有腥味，结果我地决定用汤底打边炉算。火窝料又系不外乎肥牛, 猪肉片, 丸同菜之类，但出奇地有花胶及不定时出现的即包水饺。放题包饮品任饮及一人一客自选甜品，我地三个人一人拣一款甜品，味道一般，但以此价钱又有鸡煲，又有放题，算抵食啦。