影片
更多
2023-08-04
3005 浏览
元朗各店清汤腩回忆（冇兴趣可以直接睇食评，不过元朗人睇完应该会有共鸣）元朗朋友仔应该对元朗清汤腩嘅历史有d印象。元朗清汤腩始祖，亦都系我最中意，最难忘嘅彪记，细细个放学同老母去食个阵，格离嘅麻甩佬一定系一个人叫两碗，一系边/肥腩米+腩河，一系腩河+净丸，个个都一定系连汤清哂，同埋就算几爆场都好，食客同伙记（太子女）都好有默契，嚟到快快手食完交翻张枱，太子女亦会留意有冇客差唔多食完，就帮排紧队嘅客落定单，预时间交比厨房，所以就算好多人帮衬都唔会等好奈，而呢种食店同食客嘅关系亦都好奈冇遇过。 其后彪记结业，重新装修后竟然开咗间叫“标记”，传闻系太子想攞嚟做，但老板唔想搞坏招牌唔同意重开，所以就用新名开舖。当然真相就无从稽考，一段短时间就永久结业了。但我印象标记同彪记味道相似，而呢种味道同牛气，贤记我形容系同一派。时间线唔太记得，当时传面世家杀出，又系主打新鲜清汤腩，所以我基本上冇住家饭食嘅话就系轮流帮衬佢地，想食炸野就去传面食腩米+炸鸡翼，想食清d就翻老家标记。其后，元朗得翻传面做新鲜清汤腩嘅时候，情况就好似tvb冇咗亚视咁，基本上可以话系越做越x屎。为求公平，我会尽快食多次传面再写食评，
元朗朋友仔应该对元朗清汤腩嘅历史有d印象。元朗清汤腩始祖，亦都系我最中意，最难忘嘅彪记，细细个放学同老母去食个阵，格离嘅麻甩佬一定系一个人叫两碗，一系边/肥腩米+腩河，一系腩河+净丸，个个都一定系连汤清哂，同埋就算几爆场都好，食客同伙记（太子女）都好有默契，嚟到快快手食完交翻张枱，太子女亦会留意有冇客差唔多食完，就帮排紧队嘅客落定单，预时间交比厨房，所以就算好多人帮衬都唔会等好奈，而呢种食店同食客嘅关系亦都好奈冇遇过。
其后彪记结业，重新装修后竟然开咗间叫“标记”，传闻系太子想攞嚟做，但老板唔想搞坏招牌唔同意重开，所以就用新名开舖。当然真相就无从稽考，一段短时间就永久结业了。但我印象标记同彪记味道相似，而呢种味道同牛气，贤记我形容系同一派。
时间线唔太记得，当时传面世家杀出，又系主打新鲜清汤腩，所以我基本上冇住家饭食嘅话就系轮流帮衬佢地，想食炸野就去传面食腩米+炸鸡翼，想食清d就翻老家标记。其后，元朗得翻传面做新鲜清汤腩嘅时候，情况就好似tvb冇咗亚视咁，基本上可以话系越做越x屎。为求公平，我会尽快食多次传面再写食评，希望佢有做翻好啦，不过都9成唔会，因为我后期都隔年挑战一次，每次都失望而回。
元朗清汤腩末落几年，直到牛气冲天出现。记得第一次帮衬，入到舖头立即闻到好浓郁嘅牛清汤香味，带轻微嘅鱼露味。碗爽腩河上到嚟，一定就先饮淡汤㗎啦，系彪记嘅味道。形容一下到底有乜咁特别。汤底第一啖入口会先系好浓嘅“肉香”，而唔系单单“骨香”，或者萝白味。而因为肉味浓过骨味，令到淡汤饮落，唔会好肥腻同滞口，饮完淡汤鼻腔会回翻一阵淡淡鱼露味，整体感觉就系“鲜”。同越南牛骨汤比，轻型清新一啲，冇药材同萝白嘅味道干扰，好纯粹嘅牛香。
腩就睇食咩位置，个人喜好爽＞边＞肥＞普通腩，未食过嘅朋友可以想像下，爽腩系带胶质嘅，有一片类似牛筋嘅东西，薄膜咁包裹住牛腩肉，食落表面就啫喱状，带点弹性嘅筋膜，咬入去就系软霖嘅肉。虽然一碗面60几蚊有人会觉得贵，但我就觉得老板好有诚意，汤头质素高，牛腩份量亦比得好大方，作为一个食谭仔过桥米线都唔饱嘅人，牛气系喂得饱我嘅。而有帮衬开牛气嘅人都知，老板系十分有原则嘅，当日唔够新鲜腩就唔开门，厨房亦都系佢一人打理，所以外卖基本系1个半钟等起跳，依家香港又有几多咁有诚意嘅小店呢？不过鸡蛋入面挑骨头嘅话，我认为有一段时间，牛气汤头偏油，明显见到好多油脂系表面，同埋由送生菜转萝白，我觉得令到整体感觉off foc 同heavy, 萝白味浓会赶走口腔嘅牛肉味，相反生菜系吸尽汤汁，同时轻盈一啲。一般我食清汤腩都会成碗汤饮哂，但因为咁我就唔得啦。
后尾杂志嘅访问，老板都澄清系同彪记冇关系嘅。我亦都经历咗佢由凤琴街地舖，搬到横洲工业村专做外卖，再到水车馆街（牛气擎天）重开，再结业，再到贤记出现，真系百感交集。
食评
第一次食贤记系响旧舖，上手1523西餐嘅位置，入到去有啲惊讶，因为无论餐牌，定价，餐具设计都同牛气非常相似，而味道亦都系同我上面描述嘅差唔多。唔同嘅系，牛气辣椒油同彪记相似，虾干味道做胆，而贤记辣椒油系好重蒜头味嘅。前者海味香会提鲜，后者好容易盖过牛香味。第一次食可能都带住啲偏见，有比较有伤害，同样叫边腩，食落会起渣嘅。 今次系第二次再食，想睇下佢会唔会好似传面咁转用雪货，都欣赏目前仲坚持紧用新鲜腩。当晚比较夜帮衬，同埋伙记话依家冇得拣部位，咁厨师发办就更好啦，可以睇清楚餐厅出品水准如何。嚟到靓女话系牛面珠灯嚟，质地偏嫰，都唔错㗎。如果答到一啲筋膜位嘅话，整碗面嘅口感就会丰富啲。再赞多点就系贤记同牛气用嘅河粉质素都相当唔错，食落唔会碎湿湿，仲带轻微咬口。
清汤牛腩米
$65
86 浏览
0 赞好
0 留言
张贴
