奧壽司

营业中

休息中

今日去咗数码港度野餐，本身未去过数码港，但系原来个商场都有好几间食店选择。本身就钟意食日本嘢，而家亦都未有机会去到日本，所以就拣咗间日本嘢嚟食一食。播住悠扬嘅日本歌曲，配埋日式嘅餐厅设计，真系恍似去咗一趟日本咁。🤩蟹+牛肉火锅因为实在太肚饿，所以就带咗个原只嘅蟹同埋牛肉火锅。日式嘅酱汁同埋牛肉非常搭配，配埋花点蟹。真系海陆嘅双重享受。份量亦都唔少㗎，啱晒大食嘅朋友。天气开始转凉食个火锅就暖笠笠。🤩帆立贝特上卷帆立贝非常新鲜，配埋呢个卷物，入面嘅材料有牛油果，又有三文鱼子，都几好食㗎。唯一要提醒嘅系，我假日来，都几多人食，如果大家唔想等位嘅话，就要预约啦！