Café&Meal MUJI (已結業)

九龙湾德福广场啱啱新开咗MUJI，趁住今日系假期，一早就嚟等佢开门，顺便试吓喺度食个靓早餐。由于系新开张嘅关系，10:00一开门就已经有大批顾客光顾，瞬间已经座无虚席，好彩我哋都仲可以享用到头围用膳。呢度系用手机点餐，介面非常清晰，简单易用，然后就可以安坐等待店员送上美食。另外亦都有提供餐牌，咁就可以一览无遗咁睇吓有咩选择。首先我哋拣咗一份All Day Breakfast，有Egg Benedict、德国肠、沙律菜、火腿、多士，同一碗谷麦，再配一杯红茶。份量丰富，沙律菜够新鲜，我就最爱Egg Benedict，保持少许半熟蛋汁，配埋多士好好味！另外我哋拣咗蟹肉牛油果牛角包🦀🥑🥐，牛角包仍然微暖，足足有半个牛油果嘅份量，亦有好多一丝丝嘅蟹肉，仲配埋新鲜炸起嘅薯条同沙律菜，食完超级饱。仲有叫咗一份儿童餐俾小朋友，同样咁丰富，有一个Mini Burger、粟米甘荀通粉、生果同果冻，全部都系小朋友钟意嘅食材，仲附上两粒MUJI棉花糖，小朋友都可以清晒成份餐，仲话超级好食！好高兴喺九龙湾开咗咁大间MUJI，而且仲有埋Cafe，以后一有时间就要多啲嚟朝圣。