影片
更多
2024-02-12
1163 浏览
真汉子大年初二嚟到荃湾出名嘅素食车仔面「素悦轩」朝圣，老板话因为比人捉到要罚 $6000 所以而家冇得坐巷仔，坐返入细铺仔所以搭枱系在所难免。新春期间每碗面多收 $10（营业时间唔记得睇添，sor 😅）。第一次食但由于𩠌嘅选择唔多，所以都冇选择困难嘅问题。𩠌清晰哋分开为纯素定蛋奶素，炸薯片个个都话要食，梗系要叫啦。另外叫咗平时车仔面较少食到嘅素叉烧同牛蒡扒。汤底拣咗肉骨茶，面底就食河粉。☺️真汉子并冇食过正宗嘅肉骨茶，呢度嘅肉骨茶冇想像中咁咸，但有浓浓嘅药材味道，可以直接饮，配埋索汤嘅河粉食非常好味。不过河粉就煮得超淋，未必人人钟意。🙃叉烧就唔算好惊艳，口感亦较淋唔似叉烧，但味道都 okay 嘅。牛蒡扒应该煎过所以好香口，食落亦好弹牙，非常推介。👍🏻嗱到戏肉就系大家都赞嘅炸薯片喇，爽口嘅薯片即叫即炸，薄薄嘅外层脆卜卜，可谓外脆内爽。加咗啲椒盐响面，初初食觉得好惹味，但后尾觉得似乎冇咗啲盐冇咁咸，更食到薯味。😋唔知有冇人食到想 encore 呢？问咗老板另外叫多份都系 $15，麦当劳散嗌一块薯饼都系差唔多㖞，但呢度有三块，好抵食呀。😛当然仲要提吓佢哋好有善心，会定期派饭盒比有需要嘅人士。店
第一次食但由于𩠌嘅选择唔多，所以都冇选择困难嘅问题。𩠌清晰哋分开为纯素定蛋奶素，炸薯片个个都话要食，梗系要叫啦。另外叫咗平时车仔面较少食到嘅素叉烧同牛蒡扒。汤底拣咗肉骨茶，面底就食河粉。☺️
真汉子并冇食过正宗嘅肉骨茶，呢度嘅肉骨茶冇想像中咁咸，但有浓浓嘅药材味道，可以直接饮，配埋索汤嘅河粉食非常好味。不过河粉就煮得超淋，未必人人钟意。🙃
炸薯片，叉烧，牛蒡扒，肉骨茶汤底，河粉
549 浏览
0 赞好
0 留言
叉烧就唔算好惊艳，口感亦较淋唔似叉烧，但味道都 okay 嘅。牛蒡扒应该煎过所以好香口，食落亦好弹牙，非常推介。👍🏻
炸薯片，叉烧，牛蒡扒，肉骨茶汤底，河粉
213 浏览
0 赞好
0 留言
嗱到戏肉就系大家都赞嘅炸薯片喇，爽口嘅薯片即叫即炸，薄薄嘅外层脆卜卜，可谓外脆内爽。加咗啲椒盐响面，初初食觉得好惹味，但后尾觉得似乎冇咗啲盐冇咁咸，更食到薯味。😋
炸薯片
156 浏览
0 赞好
0 留言
唔知有冇人食到想 encore 呢？问咗老板另外叫多份都系 $15，麦当劳散嗌一块薯饼都系差唔多㖞，但呢度有三块，好抵食呀。😛
炸薯片
334 浏览
0 赞好
0 留言
当然仲要提吓佢哋好有善心，会定期派饭盒比有需要嘅人士。店内亦贴满咗有份捐款善长嘅名字，所以如果有能力都可以帮手捐助吓㗎。❤️🙏🏻
张贴
