影片
更多
2024-04-29
3760 浏览
二世祖 Easy Joe📍大角咀福全街18号地舖收工后同朋友约好去奥运行街买嘢，遇上连锁寿司店开张，拎咗飞谂住行下睇下，好快有得食。点知hea咗成个钟先叫得50几张台，朋友叫晒肚饿，我哋只好转场揾食。觅食之际，朋友又向我提起佢同事介绍、佢bookmark已久嘅easy joe，话今次真系好想去食。打电话去确认有得walk-in后，佢就急不及待入去坐低叫嘢食。虽然食后觉得嘢食未去到五粒星咁好食，但胜在环境卫生舒服、店员服务态度殷勤、再加上CP值好高嘅甜品，我哋决定择日再食，希望下次嚟到餐品水平会有所提升！ 💰$148自家制芥末洋葱酱炸鸡窝夫 🧇朋友一望menu就立即锁定要食chicken & waffle，既然佢咁想食就解禁一下，陪佢食下肥腻热气嘢。整盘餐点卖相不俗，最吸引眼球嘅太阳蛋仲选用咗无菌蛋制作，令人食得放心，如果喺颜色上有更多变化，用上唔同配粒点缀，唔系全部都黄色啡色，相信卖相会更加吸引。炸鸡调味适中，大部份鸡肉都炸得嫩滑，唯独边位有点干柴，如能改善会更好。但waffle整体令人失望，貌似香脆可口，实质口感偏软松散。自家制芥末洋葱酱味道偏酸，加入糖浆后，甜味又有点突兀，似乎喺调
📍大角咀福全街18号地舖
收工后同朋友约好去奥运行街买嘢，遇上连锁寿司店开张，拎咗飞谂住行下睇下，好快有得食。点知hea咗成个钟先叫得50几张台，朋友叫晒肚饿，我哋只好转场揾食。
觅食之际，朋友又向我提起佢同事介绍、佢bookmark已久嘅easy joe，话今次真系好想去食。打电话去确认有得walk-in后，佢就急不及待入去坐低叫嘢食。虽然食后觉得嘢食未去到五粒星咁好食，但胜在环境卫生舒服、店员服务态度殷勤、再加上CP值好高嘅甜品，我哋决定择日再食，希望下次嚟到餐品水平会有所提升！
[价钱 Price]
💰$148
自家制芥末洋葱酱炸鸡窝夫 🧇
朋友一望menu就立即锁定要食chicken & waffle，既然佢咁想食就解禁一下，陪佢食下肥腻热气嘢。整盘餐点卖相不俗，最吸引眼球嘅太阳蛋仲选用咗无菌蛋制作，令人食得放心，如果喺颜色上有更多变化，用上唔同配粒点缀，唔系全部都黄色啡色，相信卖相会更加吸引。
炸鸡调味适中，大部份鸡肉都炸得嫩滑，唯独边位有点干柴，如能改善会更好。但waffle整体令人失望，貌似香脆可口，实质口感偏软松散。自家制芥末洋葱酱味道偏酸，加入糖浆后，甜味又有点突兀，似乎喺调味同口感方面有待改善。
[价钱 Price]
💰$198
原只软壳蟹龙虾汁蟹肉海鲜意大利饭 🦞🦀
朋友锁定嘅第二样餐点，就系risotto，因为有我哋至爱嘅软壳蟹同蟹肉。用龙虾汁嚟煮的确几新颖，味道亦够浓够鲜。Risotto口感偏硬有咬口，餐厅都有老实哋喺menu上列明，如果大家钟意食软食啲嘅，记得落单时要讲清楚。软壳蟹炸到透晒，虽然唔算大只，但口感味道不俗。若果要挑剔，我哋都认为价钱略高，而且饭内除咗混有些少蟹肉，就无其他「海鲜」元素，净系睇住中文菜名嚟叫，唔睇清楚用英文写嘅ingredients，会有少少落差感，亦会相对觉得唔太抵食。
[价钱 Price]
💰$108
提拉米祖 🍮
全晚最震撼应该就系呢个甜品啦！无估到甜品居然咁大份，即使单点价钱比一般cafe贵，但份量多足接近一倍，size有如mini cake，同家人朋友嚟呢度庆生，真系蛋糕都唔洗买！只限晚市供应嘅自家制提拉米祖造型搞鬼，表面插住一对眼仔碌碌嘅大眼睛，吸引唔少食客叫嚟打卡。味道无一般tiramisu嘅咁重咖啡味，唔太食到酒味。朋友钟意佢用海绵蛋糕而唔系手指饼相隔住，因为佢唔太钟意浸淋咗嘅口感，呢度嘅甜品就啱晒佢口味！
[价钱 Price]
💰$48
宇治抹茶白朱古力奶 🍵
饮品方面，我叫咗人气饮品宇治抹茶白朱古力奶。用上厚身玻璃樽装住，卖相又靓又特别，相信好多人都想成枝带走，难怪餐厅必须要写明只限堂食，唔可以外卖。
我自己非常喜欢抹茶味嘅饮品，而朱古力奶亦系我top 3选择之一，但白朱古力奶我又真系未试过，更莫讲将三者混合调制嘅饮品。本来以为会好甜腻，估唔到比例调配完美，既饮到抹茶嘅微苦微涩，又饮到白朱古力奶嘅香甜幼滑。果然招牌的确系唔同啲，配上细玻璃杯饮用，大家就可以慢慢享用滋味无穷嘅宇治抹茶白朱古力奶！
[价钱 Price]
💰$46
士多啤梨奶昔 🍓
朋友就喺menu上推介嘅饮品中，拣咗士多啤梨奶昔嚟饮，咁啱同身后壁画一样，即刻合照一张！我哋留意到壁画上冲泡饮品嘅身影同当晚水吧嘅负责人为同一人，者算系意外发现嘅Easter egg！
讲返杯milkshake，略嫌士多啤梨味唔出，整杯饮品味淡多泡，有可能系呢一水士多啤梨唔够香、唔够甜，所以饮落有啲失色。
张贴
