影片
更多
2024-06-03
925 浏览
上一次帮衬摩理臣山店估唔到而家系湾仔半山后街咁近嘅距离都开多间🫣难得经过又有啲挂住佢嘅胡椒汤底即刻入去！.两个人每人点一碗三拼粉面 $53碗🍜🍜花雕醉鸡 $48🐔韭菜猪红 $38🐷.我自己𠮶碗三拼要咗牛肉球，粉肠同猪膶拼油面配胡椒汤，三个𩠌都出色，牛肉球爽口猪润都滑嘅，粉肠够粉真系几好食！反观个油面比较腍，唔系我自己喜欢嘅口感，汤底我觉得冇以前个胡椒味咁重咁辣，有小失望但好彩啲𩠌好食救到😂😂.枱上面嘅辣菜脯同埋辣椒油都值得食！尤其系辣菜脯真系超辣好惹味，钟意食辣嘅朋友唔好错过🌶️另一碗要咗珍珠蚝仔、鲮鱼球同牛肉饼配河粉猪骨清汤（因为男朋友唔食得胡椒汤）珍珠蚝仔喺香港嘅潮式粉面档都比较少见，所以好难得有得食，每粒都胀卜卜好食🤤个汤底有啲似茶记自己叫货嘅猪骨浓汤加水或者系即食面嘅猪骨汤底😂😂我会支持要返胡椒汤如果你食嘅话🤣🤣我哋两个不嬲都好钟意食猪红，所以见到墙上面贴咗韭菜猪红即刻要叫碗！如果单𩠌叫好似加$13，佢个猪红系跟胡椒汤底，份量略嫌少咗啲以$38嘅价钱，猪红质地好食嘅，唔会碎湿湿，整体不过不失，下次就未必再叫了今餐最印象深刻系呢个花雕醉鸡$48！男朋友极力推荐要食！鸡胸唔会好嚡，个
估唔到而家系湾仔半山后街咁近嘅距离都开多间🫣
难得经过又有啲挂住佢嘅胡椒汤底即刻入去！
.
两个人每人点一碗三拼粉面 $53碗🍜🍜
花雕醉鸡 $48🐔
韭菜猪红 $38🐷
.
我自己𠮶碗三拼要咗牛肉球，粉肠同猪膶拼油面配胡椒汤，三个𩠌都出色，牛肉球爽口猪润都滑嘅，粉肠够粉真系几好食！反观个油面比较腍，唔系我自己喜欢嘅口感，汤底我觉得冇以前个胡椒味咁重咁辣，有小失望但好彩啲𩠌好食救到😂😂
.
枱上面嘅辣菜脯同埋辣椒油都值得食！尤其系辣菜脯真系超辣好惹味，钟意食辣嘅朋友唔好错过🌶️
另一碗要咗珍珠蚝仔、鲮鱼球同牛肉饼配河粉猪骨清汤（因为男朋友唔食得胡椒汤）珍珠蚝仔喺香港嘅潮式粉面档都比较少见，所以好难得有得食，每粒都胀卜卜好食🤤个汤底有啲似茶记自己叫货嘅猪骨浓汤加水或者系即食面嘅猪骨汤底😂😂我会支持要返胡椒汤如果你食嘅话🤣🤣
我哋两个不嬲都好钟意食猪红，所以见到墙上面贴咗韭菜猪红即刻要叫碗！如果单𩠌叫好似加$13，佢个猪红系跟胡椒汤底，份量略嫌少咗啲以$38嘅价钱，猪红质地好食嘅，唔会碎湿湿，整体不过不失，下次就未必再叫了
今餐最印象深刻系呢个花雕醉鸡$48！
男朋友极力推荐要食！鸡胸唔会好嚡，个酒好香够入味！搞到下次都会想再叫！
花雕醉鸡
$48
28 浏览
0 赞好
0 留言
张贴
