影片
更多
2008-06-14
737 浏览
有咩野好过一班好友, 三五知己坐埋一齐睇波饮嘢, 撞啱欧洲国家杯举行期间, 师傅亦唔执输昨晚相约一班好友, 一齐欣赏死亡之组!波未开, 先医肚, 如果唔系点同自己嘅球队打气; 靓正好友"正哥"就负责发板几个小食, 有正哥嘅至爱芝士焗西兰花拼青口, 铁板金菇肥牛卷, 小食拼盆同埋炒椰菜!边倾边玩边等, 不知不觉都唔知等左几耐, 率先登场嘅系铁板金菇肥牛卷, 当初喺餐牌睇到呢个小食, 师傅曾经质疑呢个小食会唔会用铁板上; 当个小食到时果然系用铁板上, 师傅顿时觉得佢地制作认真, 再见佢地喺客人面前淋d黑椒汁, 感觉系即刻变左全场焦点; 趁热辣辣即刻试下金菇肥牛卷先, 师傅觉得牛肉就冇咩味, 好明显系冇调味, 韧左少少, 但金菇就好爽口, 冇韧嘅感觉, 连埋黑椒汁一齐食都几正!芝士焗西兰花拼青口嘅西兰花都几爽口, 但一d都唔硬, 而青口嘅肉质几爽口, 加上几鲜甜, 喺酒吧黎讲算几出色, 甚至好过一d餐厅添, 加上芝士够多够香, 好正! 小食拼盆有日式螺肉, 炸虾丸, 卤水鸭肾同埋炸豆腐, 日式螺肉冇咩特别, 一如其他日式食店, 可以; 炸虾丸炸得几香, 唔算多油, 不过未算出色; 卤水鸭肾就
波未开, 先医肚, 如果唔系点同自己嘅球队打气; 靓正好友"正哥"就负责发板几个小食, 有正哥嘅至爱芝士焗西兰花拼青口, 铁板金菇肥牛卷, 小食拼盆同埋炒椰菜!
边倾边玩边等, 不知不觉都唔知等左几耐, 率先登场嘅系铁板金菇肥牛卷, 当初喺餐牌睇到呢个小食, 师傅曾经质疑呢个小食会唔会用铁板上; 当个小食到时果然系用铁板上, 师傅顿时觉得佢地制作认真, 再见佢地喺客人面前淋d黑椒汁, 感觉系即刻变左全场焦点; 趁热辣辣即刻试下金菇肥牛卷先, 师傅觉得牛肉就冇咩味, 好明显系冇调味, 韧左少少, 但金菇就好爽口, 冇韧嘅感觉, 连埋黑椒汁一齐食都几正!
芝士焗西兰花拼青口嘅西兰花都几爽口, 但一d都唔硬, 而青口嘅肉质几爽口, 加上几鲜甜, 喺酒吧黎讲算几出色, 甚至好过一d餐厅添, 加上芝士够多够香, 好正!
小食拼盆有日式螺肉, 炸虾丸, 卤水鸭肾同埋炸豆腐, 日式螺肉冇咩特别, 一如其他日式食店, 可以; 炸虾丸炸得几香, 唔算多油, 不过未算出色; 卤水鸭肾就好爽口, 而调味亦都洽到好处, 唔会过咸, 得噃; 炸豆腐又系炸得好脆, 不过里面又唔会炸到干晒, 唔错! 而炒椰菜师傅就冇试到, 所以唔知系点喇, 不过见食剩, 唔知系大家太饱定系唔得呢?
总括黎讲呢度嘅食物质素喺酒吧黎讲算系出色, 绝对食得过, 加上制作认真, 完全可取; 服务态度友善, 而价钱都唔算太贵, 平均大约三十几蚊一个小食啦, 都算抵食; 黎呢到三五知己把酒谈天又得, 睇波又得, 丧玩丧劈又得, 就算净系黎食都掂, 师傅觉得一d都唔失礼! 下次一定会再黎, 食得咁开心, 玩得咁开心, 笑脸又点可以唔比呢?
后记: 特别鸣谢灯光师"食神"同摄影师"食神嫂", 如果冇你地, 又边有相睇!
张贴
