影片
更多
2020-12-10
223 浏览
❀ SENSU #铜锣湾 ❀❗️刺激你的五感六觉 奇怪饮品配搭有惊喜❗️——————————————————每次行过铜锣湾谢斐道都会俾佢嘅大大个「五感六觉」招牌吸引住🤩餐厅秉承为顾客提供「五感」——甜苦辣咸鲜、「六觉」——视觉、听觉、触觉、嗅觉、味觉、知觉，推出最新嘅下午茶🫖同埋饮品系列！餐厅装修简约高贵，又系一个同朋友打卡嘅热点📸食物质素尚算唔错，某几样特别有惊喜，算系冇咁贵嘅下午茶之选。.新推出嘅下午茶有分普通版本同premium。普通版本就咸点、甜点各四样 $298/2，而premium就各有六款$438/2，多咗抹茶挞、精选蛋糕、和牛汉堡同埋和牛寿司。自己觉得premium都唔算太贵，而且多出嘅食物系相对出色，所以建议尝试premium。不过留意番premium就只系平面摆盘，相反普通版本就有三层架‼️。.✷𝑀𝑒𝓃𝓊✷Premium afternoon tea set $438/2味道: 3.8/5 性价比: 4/5☞ 咸点♥三文鱼籽芝士酥♥牛油果虾挞♥炸虾多士♥迷你和牛他他寿司卷♥和牛春卷♥迷你和牛汉堡整体上咸点味道有水准，造型亦唔错。呢个价钱都用上和牛制作👍🏻牛味够浓，汉堡亦非常
❗️刺激你的五感六觉 奇怪饮品配搭有惊喜❗️
——————————————————
每次行过铜锣湾谢斐道都会俾佢嘅大大个「五感六觉」招牌吸引住🤩餐厅秉承为顾客提供「五感」——甜苦辣咸鲜、「六觉」——视觉、听觉、触觉、嗅觉、味觉、知觉，推出最新嘅下午茶🫖同埋饮品系列！餐厅装修简约高贵，又系一个同朋友打卡嘅热点📸食物质素尚算唔错，某几样特别有惊喜，算系冇咁贵嘅下午茶之选。
.
新推出嘅下午茶有分普通版本同premium。普通版本就咸点、甜点各四样 $298/2，而premium就各有六款$438/2，多咗抹茶挞、精选蛋糕、和牛汉堡同埋和牛寿司。自己觉得premium都唔算太贵，而且多出嘅食物系相对出色，所以建议尝试premium。不过留意番premium就只系平面摆盘，相反普通版本就有三层架‼️。
.
✷𝑀𝑒𝓃𝓊✷
Premium afternoon tea set $438/2
味道: 3.8/5 性价比: 4/5
Premium afternoon tea set
$438
37 浏览
0 赞好
0 留言
Premium afternoon tea set
$438
71 浏览
1 赞好
0 留言
☞ 咸点
♥三文鱼籽芝士酥
♥牛油果虾挞
♥炸虾多士
♥迷你和牛他他寿司卷
♥和牛春卷
♥迷你和牛汉堡
整体上咸点味道有水准，造型亦唔错。呢个价钱都用上和牛制作👍🏻牛味够浓，汉堡亦非常多汁，用嚟整他他嘅生牛肉亦非常滑溜。
另外酥挞亦够香脆，馅料混入左芝士、沙律酱等调味，都好难会唔好食🤣。
唯独系炸虾多士油咗啲，但大致上都算唔错。
.
☞ 甜点
♥香桃奇亚籽乳酪
♥流心抹茶挞
♥精选蛋糕 芒果慕丝
♥云卷 原味 松露朱古力
♥马卡龙
♥英式松饼
甜品相对上冇咁特别😶都系一啲常见嘅款式。不过佢个流心抹茶挞就真系非常出色，非常香浓嘅抹茶，带回甘唔会太甜，挞皮亦重牛油香🥰🥰🥰其他甜品都正常发挥，冇乜伏位，略嫌乳酪有啲普通。
.
☞ 特色饮品 Outside In collection
呢个系佢哋新推出嘅饮品系列✨富有健康嘅元素，再用趣味嘅方式呈现，每杯嘢饮都超级！配搭非常创新，而且出乎意料地夹👍🏻。
♥ Dream in the mud $88
紫薯、乌龙茶、海藻、奶、蜜糖
配搭好似非常奇怪，但饮落去主要系紫薯奶香，正正常常。
味道: 3.8/5 性价比: 3.8/5
Dream in the mud
$88
31 浏览
1 赞好
0 留言
♥ Marble florals $88
蕃茄、红菜头、桃、椰子水、热情果糖浆
本身以为呢一杯会系大伏，点知系咁多杯之中最清新最好饮，每一款食材互相平衡，冇话边个未到最突出，整体来讲酸酸甜甜，推荐！
味道: 4.2/5 性价比: 4/5
Marble florals
$88
43 浏览
1 赞好
0 留言
♥ Golden mist $88
凤梨汁、青柠汁、芒果汁、热情果汁、粟米蓉、菊花、茉莉花茶、黑米茶
超多唔同水果同茶嘅配搭，饮落去清新酸酸甜甜，主要为凤梨同埋热情果味，带点茶香，粟米味就唔太觉。
味道: 3.8/5 性价比: 3.8/5
Golden mist
$88
41 浏览
0 赞好
0 留言
♥ Wildfire $88
红菜头、红火龙果、姜蜜、黑米茶
呢杯味道就相对冇咁特别，主要都系蜜糖嘅甜味，再有少少姜味。
味道: 3.6/5 性价比: 3.6/5
Wildfire
$88
21 浏览
0 赞好
0 留言
.
整体来讲，下午茶水准不过不失，餐厅环境同埋食物摆盘都算靓，都几适合同朋友叹番个下昼。另外特别欣赏佢哋创新配搭嘅嘢饮，冇谂过呢啲奇怪嘅配搭都可以咁夹！就算唔食下午茶都建议试吓啲饮品💞！
张贴
