影片
更多
2024-02-17
1520 浏览
首先，我会觉得呢间餐厅系食风味嘅，唔系食个大厨用几出色嘅烹调方法，而系食啲材料有几新鲜/Organic，同埋食物嘅配搭设计。其次，亦要知道餐厅系做紧乡村风味嘅装修，我当晚系好好天去几有feel，但如果打风落雨就未必咁舒适。唔好Expect会系高级餐厅咁，至少系干净舒服，睇得出布置有心机同精美嘅。再者，亦系我觉得刺激嘅事情——冇餐牌选择，第一次食嘅我完全系玩惊喜。仲要我平时食得好简单普通，好少试新嘢，所以对我黎讲每道菜式都有我未食过嘅嘢⋯⋯我亦会好惊啲味道好奇怪，但因为尊重成件事，细食嘅我都竟然做到全部都清碟！食物份量唔多，大胃人嘅可能食唔饱，但女仔一般都会觉得饱。建议拣饮择食嘅人千祈唔好去试，会浪费左厨师嘅心机，但讲真，我觉得全部都食得落肚嘅，冇啲好奇怪嘅味道。非常之利尿嘅饮品，饮左一小杯已经要去两次厕所。甜甜地，不过闻落有浸青味，我唔算好钟意，只系饮咗一杯。前菜除咗乳酪之外，上面冇一样嘢系我食过嘅⋯⋯我算系鼓起勇气咁食。甘笋系腌过，有酸酸咸咸嘅味道几特别，亦系脆卜卜。牛奶果第一次食。米纸组合分开食会怪怪地，但一啖放哂入口系好食嘅！菜汤系西洋菜汤咁嘅味，但系口感似饮紧西汤。生豆苗第一次
其次，亦要知道餐厅系做紧乡村风味嘅装修，我当晚系好好天去几有feel，但如果打风落雨就未必咁舒适。唔好Expect会系高级餐厅咁，至少系干净舒服，睇得出布置有心机同精美嘅。
再者，亦系我觉得刺激嘅事情——冇餐牌选择，第一次食嘅我完全系玩惊喜。仲要我平时食得好简单普通，好少试新嘢，所以对我黎讲每道菜式都有我未食过嘅嘢⋯⋯我亦会好惊啲味道好奇怪，但因为尊重成件事，细食嘅我都竟然做到全部都清碟！食物份量唔多，大胃人嘅可能食唔饱，但女仔一般都会觉得饱。
建议拣饮择食嘅人千祈唔好去试，会浪费左厨师嘅心机，但讲真，我觉得全部都食得落肚嘅，冇啲好奇怪嘅味道。
什么什么薏米水
40 浏览
0 赞好
0 留言
非常之利尿嘅饮品，饮左一小杯已经要去两次厕所。甜甜地，不过闻落有浸青味，我唔算好钟意，只系饮咗一杯。
牛奶果米纸???加乳酪同??碎
91 浏览
0 赞好
0 留言
前菜除咗乳酪之外，上面冇一样嘢系我食过嘅⋯⋯我算系鼓起勇气咁食。甘笋系腌过，有酸酸咸咸嘅味道几特别，亦系脆卜卜。牛奶果第一次食。米纸组合分开食会怪怪地，但一啖放哂入口系好食嘅！
(西式)西洋菜汤生豆苗配??面包
98 浏览
0 赞好
0 留言
菜汤系西洋菜汤咁嘅味，但系口感似饮紧西汤。生豆苗第一次食，青青地，要将佢同个汤沟埋先可以减少啲青味。面包正常。
好多水果同菜嘅沙律
78 浏览
0 赞好
0 留言
成餐饭我最钟意系呢个沙律，个汁系热情果加唔记得咗，咩总之酸酸甜甜好好食！啲菜好新鲜，水果有几样我平时都唔会食嘅，但已经唔记得咩名，绝对唔系普通苹果沙律𠮶啲，而系似你去效野集咗唔同嘅水果返嚟做沙律嘅感觉，乜都有少少咁。
千层薯仔片配牛油果粒加本地有机大啡菇藜麦荷兰豆朱古力馅青椒
108 浏览
2 赞好
0 留言
主菜，薯仔好好食，切片后经过班主唔觉得好有薯仔嘅淀粉味，而系调味后舒服嘅味道。牛油果就咁食我会好惊，但系佢调味之后好食咗好多！除咗青椒入面有朱古力呢个组合令我觉得⋯⋯之外，其他都好好食，本身个青椒都好食，我谂系因为个朱古力太苦。
。
整体嚟讲冇一样调味我会觉得好咸。
餐饭俾我嘅感觉就系慢慢上菜，慢慢品尝每一样材料嘅味道，厨师精心嘅调味。
。
建议大家唔好摸黑行路入去（虽然今次我哋来回都系行路，因为有黎过几次嘅人带路），最好系坐的士去的士走。
有车嘅话，一班朋友过嚟与世隔绝咁吹吓水都几开心，店员都好热情有礼貌笑容满面，令人感觉舒服，同埋佢哋都好乐意服务客人咁。
。
推荐比食素或者唔系食素嘅人。
张贴
