嵐山日本料理

营业中

休息中

坐厨师枱有个好处，可以一睹厨师即场献技将新鲜鱼生切片，然后送到自己面前，一饱眼福。鲷鱼刺身($49)，色泽鲜艳，鱼生呈晶莹剔透，味道鲜甜，有咬口。深海池鱼刺身，大大件，非常厚，有鱼既鲜味，口感似吞拿鱼。𫚕鱼刺身($98)，我觉得这款鱼最好味，近鱼皮位置既肉好爽口，有弹牙口感，甘甜肥美。金目鲷鱼寿司，肉质软绵绵，而且经过火炙处理，有焦香既味道，顶层橙色既系带少少微辣。左口鱼寿司($25)，肉质较结实，咬落较爽口弹牙，而且寿司已涂上秘制酱汁，已经好够味。串烧黑豚芦笋($38)，豚肉软腍配芦笋既爽口，非常夹，表面晒上盐粒和黑椒粒好香口惹味，咬开豚肉咇晒d油脂出黎。串烧鸡翼($32)，已起肉，咁样两边烧得均匀，唔会表面熟内里生，鸡皮好香脆，而且鸡翼有肉汁。安格斯牛扒($188)，牛扒目测已全熟，但食落唔会好韧，肉质易咬开，部分肉会牵带著少少肥膏，食落会更香口，配埋店家自制酱汁，味道带甜。黑豚石头锅饭($118)，非常大碗，豚肉几乎覆盖晒整碗饭，加埋有蛋黄汁，可以捞起黎食，好滑。