上勝日本料理 (昌隆工業大廈) (已搬遷) 新店位置

荔枝角一出D1出口就见到呢间装修几有日本居酒屋感觉嘅上胜，有几吸引嘅刺身丼！亲子四彩刺身丼（$78)有油甘鱼、三文鱼、带子、鱼籽。呢度用嘅系赤醋寿司饭，正名系「江户前赤酢」，即系用黑醋而唔系平时见嘅白醋捞饭，亦唔系酱油捞饭。烧日本皇帝蟹棒（$28）丼饭份量唔算大，所以都点左两款小食。呢个蟹棒系店长推介食物。盐烧鸡翼（$30）鸡翼脆身，入面依然好嫩滑。呢度有正常枱，又有吧枱，吧枱每个位有个电脑开住YouTube，比大家一个人食饭时可以解闷。晚市自取做紧九折添。