名朝特色火鍋 (已結業)

上星期香港终于有点冬天的感觉，梗系揾地方打下边炉啦，听朋友讲佐敦的庄士伦敦广场好多野食，话试过间名朝特色火锅唔错，价钱唔贵仲有大量甜品供应，钟意食甜品的我就即刻去试下！上到去好彩有Book位，门口人山人海，有点似日式放题，有好大自助拿野食的位，一边系熟食、甜品和刺身，一边系多部放满饮品的雪柜和火锅料。这店任食火锅都有好多种汤底选择，我地选了虫草花猪踭窝，我呢D牛魔王梗系咩牛肉都试下啦，其他都点了打边炉唔少得的菜、冬菇、饺子、肉丸、响铃之类的。我地都选埋食刺身，火锅来之前先上刺身拼盘，原本冇咩期望，但竟然食落都唔差，样样新鲜，仲有泰式生虾，有点惊喜，主菜方面汤底味道够，牛肉有牛味，唔会唔知食紧咩用咁，其他配料都是基本野和一搬任食火锅无异。而我就保留实力主攻佢地的甜品，有芝士挞，榴连布丁，切饼，豆腐花，雪糕，木瓜雪耳等等.....芝士挞的芝士味好浓，木瓜雪耳糖水也好足料，最后仲有即叫即做的绿茶心太软，真系样样食一件都食到饱，喜欢食甜品的人这店系好选择！