東京街日本料理 (西洋菜南街)

营业中

休息中

既然冇得去东京旅行，就一于去东京街食日本野😜今次叫左温泉蛋鱼生沙律($68)、清酒煮蚬($78)、炸三文鱼头(半只)($68)、北海道丼($168)、什锦刺身定食(跟白饭)($158)店里面挂左唔少日本风嘅画午市套餐附送沙律及面豉汤温泉蛋鱼生沙律：份沙律劲大碟，D菜都几爽脆，而D角切鱼生放到满一满，劲抵食👍🏻炸三文鱼头(半只)：劲大个三文鱼头，大过只手掌🤣食之前唧D柠檬汁落去就冇咁腥，三文鱼头因为炸过嘅关系，所以食落更加香口，而且D肉质劲嫩滑😋清酒煮蚬：劲中意呢到嘅清酒煮蚬，除左摆盘有心思之外，D蚬食落鲜甜冇咩沙，仲要带出清酒香味，好惹味🤤什锦刺身定食(跟白饭)：刺身方面分别有三文鱼、赤身、油甘、𫠒红、带子、八爪鱼、北寄贝、甜虾，个定食以呢个价钱有咁多款刺身，正😍刺身有光泽够新鲜，食落冇雪藏味，三文鱼同油甘好肥美，而带子同甜虾劲鲜甜😋北海道丼：呢个刺身丼饭超级丰富，里面有三文鱼、带子、牡丹虾、油甘、海胆、蟹膏、蟹肉、鱼籽，非常满足🤩唔好谂住有咁多款就样样得好少，呢到毫不吝啬，贵价嘅海胆、蟹膏、蟹肉等都好足料，仲要几鲜甜👍🏻大合照🤩呢到每一样都份量十足，仲要价钱唔算贵，迟D可以再黎食下佢