牛涮鍋もっと (已結業)

一向都系牛涮锅fans嘅我，知道乐富开咗新店，仲有刺身食，当然会来试吓。今次有新汤底，我哋就试咗期间限定嘅惹味酸辣汤同柠檬梅子汤，惹味酸辣汤就配有酸菜、辣椒，够哂刺激。另一款柠檬梅子汤就醒神开胃，加埋紫苏叶够哂清新解腻。百事寿喜烧冷面汁都系第一次听！同其他牛涮锅分店一样，呢度大部份配料都系需要自己去自取嘅，而呢度嘅选择同其他分店都系差唔多。呢度嘅其中一个特别之处就系有刺身食，刺身都几新鲜，而且都算厚切，非常大方。整体来讲，呢度同其他分店一样咁抵食，而且仲可以加钱食刺身，非常之有弹性，可以照顾到唔同顾客既需要。