真鮨 (已結業)

Moshi moshi (もしもし) 你好！想同大家分享呢间值回票价嘅日本菜。我同男朋友都好中意食日本菜，所以今日行完美丽华就即刻起附近揾左呢间日本料理餐厅医肚！餐厅环境够哂宽落，楼底高，光线充足，所以几适合中意打卡嘅朋友仔。顺带一提，侍应服务态度好好，成日帮我地加水。1️⃣一开波一定系叫左刺身先！甜虾、帆立贝、三文鱼系我地的最爱，所有刺身都好新鲜，甜虾同埋帆立贝除左鲜，仲甜！另外，厚切三文鱼带住鱼油香一放入口就系满满的幸福感！其实食完个刺身，已经有四成饱，所以好抵食。2️⃣火炙寿司我地分别点左蟹膏帆立贝寿司、鱼背边寿司、墨鱼寿司、烧鳗鱼寿司。蟹膏嘅香浓配上帆立贝嘅鲜甜，绝！烧鳗鱼个酱汁好甘甜，食完好想叫多件。3️⃣重头戏来了！就系呢客海胆和风军舰！睇图就知道佢有几多海胆铺面，d鱼子多到倾泻哂出黎。海胆好似芒果咁甜，鱼子香滑4️⃣老板娘仲介绍左个时令秋刀鱼比我地食。秋刀鱼烧得皮脆肉嫩，配上少少柠檬汁食，好滋味。5️⃣芥末日式炸鸡6️⃣事关岩岩个蟹膏帆立贝嘅蟹膏太正，我地最后叫多个蟹膏蟹肉玉子烧！画上完美句号。