影片
更多
2020-06-01
2090 浏览
仲系限聚令下，谂住应该唔会太多人啦，点知见到好多人系度等位，咁就唯有照等啦。我地7点15分黎到，大约都有十几廿个人等紧，因为第一次黎，以为入面好细而且限聚令要分隔台嘅位置所以多人排，我觉得好合理呀～咁我地等左45分钟左右，即8点就入得，一叫就叫左好多个no.入?! 点知入到去，原来地方咁大，仲要好多吉台，台同台之间得块大纸板隔住，冇话分开一至两张台咁坐。所以我只系谂到佢想营造好多人排，羊群心理嘅情况下，所以要d人排一大轮先可以入座。睇返menu，系好多野食，但价钱唔平，如果散叫的话可以话贵黎形容。咁我就叫左一客杂锦刺身定食同烧鹅肝牛小排釜饭。杂锦刺身定食$208我老公食嘅，就咁睇正正常常，就食落刺身真系麻麻，块油甘鱼刺身好腥，又好重雪味，明显系解冻不足。我就叫左烧鹅肝牛小排釜饭$148大约计时一分钟就可以打开盖食，如果想熟d可以再焗耐d张图显示块牛小排系好大块，真实系手指两节左右啦。牛小排的确系唔错，自己可以调节生熟程度。但蘑菇略嫌冇香味。可以当茶渍饭咁食，我就系钟意咁样食～但茶味一般，唔够香浓。最后，又有一个问题，叫定食餐系会Free一杯drink或雪糕，但侍应落单个时冇提及任何野，
我地7点15分黎到，大约都有十几廿个人等紧，因为第一次黎，以为入面好细而且限聚令要分隔台嘅位置所以多人排，我觉得好合理呀～
咁我地等左45分钟左右，即8点就入得，一叫就叫左好多个no.入?! 点知入到去，原来地方咁大，仲要好多吉台，台同台之间得块大纸板隔住，冇话分开一至两张台咁坐。所以我只系谂到佢想营造好多人排，羊群心理嘅情况下，所以要d人排一大轮先可以入座。
睇返menu，系好多野食，但价钱唔平，如果散叫的话可以话贵黎形容。咁我就叫左一客杂锦刺身定食同烧鹅肝牛小排釜饭。
杂锦刺身定食$208
我老公食嘅，就咁睇正正常常，就食落刺身真系麻麻，块油甘鱼刺身好腥，又好重雪味，明显系解冻不足。
我就叫左烧鹅肝牛小排釜饭$148
大约计时一分钟就可以打开盖食，如果想熟d可以再焗耐d
张图显示块牛小排系好大块，真实系手指两节左右啦。
牛小排的确系唔错，自己可以调节生熟程度。
但蘑菇略嫌冇香味。
可以当茶渍饭咁食，我就系钟意咁样食～
但茶味一般，唔够香浓。
最后，又有一个问题，叫定食餐系会Free一杯drink或雪糕，但侍应落单个时冇提及任何野，我系见到隔离台又系叫定食有野饮嘅。咁唔饮都冇问题，当我地食完个时侍应又冇提过有雪糕，系我地睇返之前OP嘅留言先知道有得食，而且佢地都好似唔情愿咁俾杯雪糕。
今餐食左$391，但唔太值，而且听到隔离台话个优惠生蚝海胆Set好细只，海胆又唔鲜，紫菜又太林（点解我听到咁清楚，咪因为依间餐厅冇因为限聚令分隔D台嘅距离，而且又坐得好迫，所以听到一清二楚）。
张贴
