味道樂居酒屋 (河內道) (已結業)

约咗朋友食饭，佢想食寿司又要交通方便，而我就想想食串烧，所以就㨂咗尖沙咀港铁站一出就到的日式居酒屋，仲装修怀旧可以打下卡。海葡萄油甘鱼刺身野菜沙律 ($128) - 油甘鱼刺身好新鲜，同柚子酱汁好夹。再配有唔同颜色同口感的蔬菜, 营养之选。估唔到呢度d刺身系一流。左口鱼边火炙寿司 ($52) - 呢个系我同朋友的大爱，油脂感好重，再加上少少酱汁同寿司饭，真系一流。质素比连锁寿司店的好味，超惊喜。火炙北海道帆立贝蟹膏卷 ($98) - 对比左口鱼边火炙寿司就逊了一点，可能帆立贝同蟹膏都无油脂感，但帆立贝同蟹膏份量都ok同鲜甜。烧物 : 大葱鸡肉串 ($58) & 烟肉荔枝卷 ($68) &盐烧澳洲羊架 ($138) - 全部大大件，肉质好嫩，有肉汁，烧的时间控制得好好。