影片
更多
2024-03-28
1792 浏览
鱼一寿司 今次要介绍元朗一间日本菜餐厅，一到夜晚超级多人排队，如果钟意食刺身嘅朋友一定要早d去食，刺身非常新鲜，好快就会售罄！全店采用木系装修，餐厅分为两层，地下果层门口有一级，只要带一块斜板就可以入去，而上面果一层就要行楼梯，我当晚去到已经九成满，呢间餐厅系用QR code落单，入面款式选择非常多，有刺身、原只鱼刺身、寿司、拉面等，连儿童餐都有，成间餐厅每位店员都忙到呕，忙到连错处都无，好掂好专业！1.日本直送大拖罗（3切）$128（9.5/10）呢个日本直送大拖罗简直系我至爱，入口即溶就唔洗讲，嫩粉红色好新鲜，油脂就爆哂灯，每一旧都系厚切，超级正！必食之选！2.油甘鱼刺身（4切）$58（9/10）呢个油甘鱼刺身食落好新鲜，油脂好肥美，每一旧都系厚切！3.剑鱼腩刺身（4切）$58（9/10）呢个剑鱼腩刺身肉质细致，口感好弹牙，每一旧都系厚切！4.挪威三文鱼刺身（4切）$48（8.5/10）唔知系唔系食咗大拖罗先，其他刺身都扣哂分，呢度三文鱼刺身系比较厚切，味道算鲜甜！5.三文鱼寿司（2件）$18（9/10）呢个三文鱼寿司个三文鱼刺身算厚切肥美，味道算鲜甜！6.吉列炸虾寿司（2件）$2
今次要介绍元朗一间日本菜餐厅，一到夜晚超级多人排队，如果钟意食刺身嘅朋友一定要早d去食，刺身非常新鲜，好快就会售罄！
全店采用木系装修，餐厅分为两层，地下果层门口有一级，只要带一块斜板就可以入去，而上面果一层就要行楼梯，我当晚去到已经九成满，呢间餐厅系用QR code落单，入面款式选择非常多，有刺身、原只鱼刺身、寿司、拉面等，连儿童餐都有，成间餐厅每位店员都忙到呕，忙到连错处都无，好掂好专业！
1.日本直送大拖罗（3切）$128（9.5/10）
呢个日本直送大拖罗简直系我至爱，入口即溶就唔洗讲，嫩粉红色好新鲜，油脂就爆哂灯，每一旧都系厚切，超级正！必食之选！
2.油甘鱼刺身（4切）$58（9/10）
呢个油甘鱼刺身食落好新鲜，油脂好肥美，每一旧都系厚切！
3.剑鱼腩刺身（4切）$58（9/10）
呢个剑鱼腩刺身肉质细致，口感好弹牙，每一旧都系厚切！
4.挪威三文鱼刺身（4切）$48（8.5/10）
唔知系唔系食咗大拖罗先，其他刺身都扣哂分，呢度三文鱼刺身系比较厚切，味道算鲜甜！
5.三文鱼寿司（2件）$18（9/10）
呢个三文鱼寿司个三文鱼刺身算厚切肥美，味道算鲜甜！
6.吉列炸虾寿司（2件）$24（8/10）
呢个吉列炸虾寿司炸得唔够脆，虾肉弹牙，虾唔系大虾，系幼细虾，都算鲜甜！
7.北海道生带子寿司（2件）$36（8/10）
呢个北海道生带子寿司个生带子够新鲜，味道鲜甜弹牙，每旧带子都好大只！
8.油甘鱼寿司（2件）$30（9/10）
呢个油甘鱼寿司个油甘鱼刺身食落好新鲜，油脂好肥美，油脂落哂落寿司饭度非常好食！
9.北海道海胆军舰（1件）$58（9/10）
呢个北海道海胆军舰十分鲜甜唔腥，不过海胆味停留口腔唔耐，紫菜唔算好脆！
10.地狱海鲜拉面$88（9/10）
呢个地狱海鲜拉面辣辣地，拉面系幼面，面质弹牙爽口，海鲜份量都好多，入面有扇贝、蟹柳、大虾、青口、紫菜同溏心蛋等，足够两人一齐食，价钱又亲民，好抵食呀！
2人总共价钱$600，有加一服务费！
个人口味总评分：8.8/10
地址：元朗教育路68号兆丰楼地下7号舖
张贴
