九井食堂 (香港仔中心) (已結業)

呢间九井食堂入嚟都几舒服，座位够阔，企企理理、整洁，依家系好重要🥺用qr code落单几方便👍🏻今次食左刺身饭同寿司，仲有啲小食~✨杂锦刺身丼刺身好新鲜， 仲好厚切好大块！！大满足😚✨另外再叫左啲寿司: 火炙焦糖鹅肝寿司、火炙珍宝赤虾寿司、火炙三文鱼腩寿司、蟹肉蟹膏军舰。碟寿司一黎就俾两只赤虾惊艳到😱真系好大只😂😂啖啖肉🤤仲好鲜甜！ 而鹅肝寿司都好推介，油香感十足，有些少焦糖个人觉得可以减低油腻，不错！其他寿司都几新鲜~✨小食嗌左芝士年糕、炸鸡软骨都正常发挥，全部热辣辣啱啱炸起~芝士鸡翼饺子好正，炸到脆卜卜仲有流心芝士😚🤤✨午餐仲包饮品放题同沙律吧，有多款冷热饮品，选择都几足，好抵！