佢話兆萬有間放題唔錯，叫做大本瀛。
閒日夜晚訂左八點三，都已經好爆場。
望望點餐紙，都見到幾多野食，尤其是係刺身，估唔到有好多款！三文魚實有啦，估唔到連貴價帶子、北寄貝、赤貝都有！蝦仲有好多野揀，甜蝦超大隻唔係cheap cheap貨，仲有泰式生蝦添
最難得叫左兩round都擺到靚一靚，輕鬆回本
叫左d燒物，火喉相當唔錯，有牛舌，菠蘿、翠玉瓜等等。
炸物都出色，蝦天婦羅個粉漿唔錯，雞軟骨略嫌多粉左d，不過都清晒！
溫泉蛋，個汁好好食！
呢度有少少泰式野，最suprise係冬蔭功湯有勁多料，又新鮮熱辣，凍凍地飲超暖胃！
飲品就自己去雪櫃拎，除左大路可樂七喜，仲有啤酒同十幾款韓國飲品，真心覺得誠意可嘉！
甜品方面，每人送牛乳布丁或木槺布丁，每樣試左d，好好食，出面仲有雀巢雪糕同雪米滋任食。
埋單加埋一每人240，真心抵食！而且服務都唔錯，出菜都快，冇漏單情況，mk朋友果然冇介紹錯🤣
