真味日本料理 (已結業)

呢间真味日本料理喺荃湾屹立咗16年，前牌经过舖头见到老板张贴左告别message，话舖头做埋10月就会正式结束10几年嘅生意😢😢😢虽然我唔系住喺荃湾区，但系同行嘅友人都话间铺睇住佢大，超级唔舍得！各位见到呢篇食评，就快啲嗱嗱声出发去食最后一次啦！呢间日本餐厅出名嘅地方系佢嘅寿司同刺身体型都较为巨大🤣但一啲都唔贵， CP值极高！今次同朋友两个人嚟食晚餐，人均大约$180到$200到已经可以食到饱！一开始已经嗌左碟巨型三文鱼刺身，大约100蚊头，但系有成5件目测3,4cm厚嘅三文鱼，比街外买到嘅三文鱼，真系大足四五倍有多🤣😂之后我哋仲嗌左鱿鱼海胆寿司同巨大带子寿司，佢哋嘅体积都系比出面舖头食到嘅大少少，唯一美中不足系海胆有d苦涩，但系鱿鱼鲜味十足，带子口感同味道都系非常之新鲜㗎！呢度仲有得嗌鸡软骨饺子，个样就望落似系店主自己整多个现成买来煎，鸡软骨好爽脆，饺子皮都有煎香到金黄色，都几值得试吓㗎！朋友另外介绍咗样必定要试嘅甜品，就系烧日式芝士年糕，炸嘅就听得多啦仲好揾添，烧嘅真系第一次见，仲要系即叫即烧，入口之前会闻到一阵好香嘅炭炉烧味(?)，烧日式年糕烟韧度会比炸嘅更好，仲少咗浸油益味，年