一休(居食屋)日本料理 (38廣場)

营业中

休息中

餐厅正正系朗豪坊对面街，平时出旺角行街呀，买野，见friend呀黎依到食都好方便。上一楼之后全层都系佢地嘅～内部装潢都花左啲心思，见都都摆左啲日本酒呀、日本灯笼呀同埋公仔。一入到去都已经好有feel。三色鱼生饭＄72份量都好大，下面啲饭都有一碗几两碗。三色鱼生饭里面有吞拿鱼刺身、三文鱼刺身、剑鱼腩刺身依三种刺身。三种嘅刺身都分别有二片，都几好！三文鱼嘅口感丝滑细腻，加埋块紫苏叶，刺身食落去更香滑。 好钟意紫苏叶佢嘅香味好独特，食日本刺身就系要配埋一齐食。和牛粒串烧（2串）＄68和牛好大粒，好似有两只手指子公咁厚！餐厅将和牛煎烧到三成熟，如果习惯食熟啲嘅朋友都可以提出整熟少少。串烧有埋略略煎过嘅白洋葱同埋青椒。但人偏好和牛同青椒嘅配搭多啲。洋葱嘅辛辣味我唔食得惯，不过正正就系依只味可以更加突出和牛嘅香。鹅肝寿司＄40鹅肝嘅质地细腻，食落去好鲜美！ 火炙黑松露带子寿司＄22黑松露嘅香味可以话带出左带子嘅鲜味。 刺身拼盘（竹）＄188 有三文鱼腩、吞拿鱼、油甘鱼、𫠒红鱼、甜虾。 特别要提油甘鱼刺身！佢咁甘香实在一啖咬落去就感受到佢嘅甘香，成个口都充斥住佢鱼油嘅香气！鱼质好好。