影片
更多
2018-02-14
241 浏览
前几日食完放题俾妈咪知道左又话要食，所以趁礼拜六放假，带左佢去试下十楼呢间入到去几阔络，大部分都系坐到四人既卡位，私隐度高，有块竹帘隔住，唔怕上菜时成日俾隔离枱望住哂可能因为午市既关系，唔算话好多客。野食唔算话非常多，但刺身寿司炸物煮物应有尽有。撞正period所以剩系点左几样刺身，包括有头甜虾、迷你甜虾、三文鱼同我的最爱珍宝带子刺身质素唔错几新鲜，三文鱼、带子都好厚身好肥美虾类虽然偏细只啲，但好重鲜味。今次嗌既大部份都系熟食，但居然有惊喜炸物类：炸物类唔算太油，全部炸得好香口，炸粉唔会好厚，而且样样都即炸热辣辣上枱。紫心香芋丸，内馅真系芋头蓉，好香芋头味，唔会太甜。吉烈带子，呢个我同妈咪都一致决定要encore带子，好厚肉，而且食落鲜甜，唔会好胶一阵雪味咁。台式盐酥花枝丸，呢个偏油少少，而且盐酥有啲咸，但胜在好弹牙同好重花枝味。榴梿炸弹（上图），如图所见，炸到恰到好处，榴梿呈流心状态，好邪恶呀流心芝士年糕（下图），外脆内烟韧，一咬落去年糕既香甜同流心芝士既微咸香好夹，忍唔住一啖口气啪哂成粒铁板野菌炒杂菜，材料有椰菜、鸡脾菇、秀珍菇，好多时食既日式炒杂菜都会好油好咸，但呢度一啲都唔油不
所以趁礼拜六放假，带左佢去试下十楼呢间
入到去几阔络，大部分都系坐到四人既卡位，
私隐度高，有块竹帘隔住，
唔怕上菜时成日俾隔离枱望住哂
可能因为午市既关系，唔算话好多客。
野食唔算话非常多，
但刺身寿司炸物煮物应有尽有。
撞正period所以剩系点左几样刺身，
包括有头甜虾、迷你甜虾、三文鱼同我的最爱珍宝带子
刺身质素唔错几新鲜，
三文鱼、带子都好厚身好肥美
虾类虽然偏细只啲，但好重鲜味。
今次嗌既大部份都系熟食，
但居然有惊喜
炸物类：
炸物类唔算太油，全部炸得好香口，炸粉唔会好厚，
而且样样都即炸热辣辣上枱。
紫心香芋丸，内馅真系芋头蓉，好香芋头味，唔会太甜。
吉烈带子，呢个我同妈咪都一致决定要encore
带子，好厚肉，而且食落鲜甜，唔会好胶一阵雪味咁。
台式盐酥花枝丸，呢个偏油少少，而且盐酥有啲咸，
但胜在好弹牙同好重花枝味。
榴梿炸弹（上图），如图所见，炸到恰到好处，榴梿呈流心状态，好邪恶呀
流心芝士年糕（下图），外脆内烟韧，一咬落去年糕既香甜同流心芝士既微咸香好夹，
忍唔住一啖口气啪哂成粒
铁板野菌炒杂菜
22 浏览
0 赞好
0 留言
铁板野菌炒杂菜，材料有椰菜、鸡脾菇、秀珍菇，好多时食既日式炒杂菜都会好油好咸，
但呢度一啲都唔油不特止，调味刚刚好，
用既应该日式酱油，甜甜地，椰菜本身亦好清甜。
美式特浓芝士茄酱烤鸡球
16 浏览
0 赞好
0 留言
美式特浓芝士茄酱烤鸡球，第一次食，必试！
鸡粒大大粒，好滑，无鸡皮，应该系鸡脾肉，
啲芝士落得毫不吝惜，好creamy表面焗得岩岩好，微焦好香口。
两个人总共食左８粒！！
特色士多啤梨骨（下图上），酱料好惹味，好似生炒骨咁酸酸甜甜，
肉炒得岩岩好，唔会好老好韧，
但骨头略嫌多左少少，多肉啲会更好，哈哈
估唔到日式放题又有泰国野，当然要试下
香茅烧猪颈肉（上图下），猪颈肉肥瘦平均，外皮烧至微焦，好香口，
肉质爽口，不肥不腻，配埋泰式辣酱好惹味，
生菜垫底，食用时可以配合一齐食用别有一番风味。
飞天通菜
23 浏览
0 赞好
0 留言
飞天通菜，火侯控制得好好，菜唔会煮得过淋，
咸淡适中，亦唔油腻，
发现呢度啲菜都炒得好好食
凤尾虾春卷（图上），值得一赞，都系必嗌虾肉本身好鲜甜，包喺外层既米纸炸得好松脆，
一咬落去好似食梗蛋卷咁。
自家制手打炸虾饼（图下），
如其名真系食得出系手打，虾肉好厚实弹牙。
最后当然系压轴既甜品啦，
食到差唔多职员会主动递上甜品点餐纸，
或者主动问佢地拎都可以
白皮明月冰卷（左上），糯米外层烟韧唔痴牙，糯米味好香，
里面既红豆蓉好红豆，香得黎又唔会好甜
迷你心太软（左下），即叫即焗，外脆内流心，
用既系微苦既朱古力，妈咪唔食甜都话好食，相信唔好甜既都食到，食一粒完全唔够喉呀
3.6牛乳奶冻（右），好滑好动L～
试过食过啲奶冻整到好硬好胶，呢度完全唔会！而且奶香味好重
本身应该刺身系主角既放题，
居然妹仔大过主人婆，啲熟食仲高质，尤其系泰国野～
真心有惊喜
张贴
