小豆町日本料理

营业中

休息中

去屯门蓝地朋友屋企玩，晚饭时想食日本菜，心谂咪要出返屯门市，估唔到原来蓝地都有日式餐厅。店舖座位唔算太多，估计约有二十枱，坐位宽敞，店入面有一张吧枱相信系寿司吧。打开餐牌不只有刺身、有寿司、有天妇罗还有一啲烧物同炸物……等。嚟咗小碟前菜，系炆煮牛舌， 牛舌很入味同时带点甜。蟹子沙律-蟹仔同埋蔬菜沙律嘅味道刚刚好，而且青瓜丝亦都很爽口。章红鱼8片刺身很新鲜，章红鱼本身鱼味较淡， 除咗点豉油wasabi之外，另跟咗一个酸汁配搭青葱姜蓉食，亦都另有一番味道。日式矶煮鲍鱼酱汁烩煮令鲍鱼有种酱香嘅味道，鲍鱼亦都好淋好有𡁻口。天妇罗盛-有虾4只、鸡髀菇、南瓜、矮瓜、番薯、洋葱， 天妇罗汁偏甜美味不错， 天妇罗炸得好干身。寿司叫了带子寿司、北寄贝寿司及盐烧四点(鲷鱼 三文鱼、玻璃虾、左口裙边)火炙盐烧令鱼油渗出，微微烧香味。服务员态度很好，常常帮我哋加茶，不时收走食完嘅碗碟整理枱面。