牛舞日本燒肉‧涮涮鍋放題 (利舞臺廣場)

营业中

休息中

一间烧牛肉放题店，突别卖点系佢有刺身同火锅。环境干净光线充足，半落单半自助吧形式供应食品，自助吧有热盘区供4-5个小菜、蔬菜区、甜品区及饮品区。落单主要肉食、海鲜、刺身、寿司等。 刺身方面种类唔算多，size比一般日式放题店提供的小同薄，解冻算系做得唔错，但唔多吸引，有点虎头蛇尾的感觉。明明是一个本应加分的卖点，但正式做到又加唔落分。 火锅方面今次帮衬和牛的，佢上碟薄身肉很瘦唔肥，解冻感觉做得唔太好，滚熟后咬口比较靭。其他火锅配料唔算多唔惊喜。 烧肉方面和牛质素系有点输蚀，牛的肥瘦花纹卖相系差少少🤏，有牛肉味，唔太油。鲍鱼算大只连壳的，甲罗烧可自己调教鸡蛋酱，带子中规中矩。 甜品区较多选择，卖相算系吸引。 服务方面，服务员有时会走去客到教人点样烧，算系唔错服务。 价钱六百几加一，食品种类算多唔精，火锅刺身烧肉甜品都有，算系比上不足 比下有余，加上唔似大牌子排死队，一解烧肉荒系可以，算系合格。 Ps:个人懒唔想等的时候会再帮衬，但有时间有心情都系会等大牌子😂。