影片
更多
2013-01-30
28 浏览
本来想去食粥，见到粥店对面开咗间一寿司，好似有段时间无食寿司咁，所以提议不如去食寿司啦，见唔系太多人等位，就转移阵地。每次都食刺身，今次都唔例外，有活赤贝刺身、三文鱼刺身、甜虾刺身、帆立贝刺身及矶煮日本鲍鱼。这里的帆立贝一向都系信心保证，厚厚的肉身加帆立贝鲜味，每次都食唔停口。甜虾刺身够大只，虾肉又够爽口，够新鲜才有呢个口感，而三文鱼一贯水准，我最欣赏呢个刺身冰碟，冰一面溶冰水则往下流，唔会令成碗冰都系水，咁d刺身就浸在冰水中，但呢只冰碟设计就唔会影响刺身质素，值得一赞。活赤贝刺身真的够新鲜，我在大舖先会食贝壳类嘅海鲜刺身，感觉比较安全，呢个赤贝刺身好鲜味，爽爽嘅赤贝从来都系我心头好。而矶煮鲍鱼唔系好大只，但够鲍鱼味，煮得令鲍鱼更好食，唔会太淋身，结果叫多咗一客。食咗两款季节限定，分别系鱿鱼野菜天妇罗及手打沙甸鱼丸子矶边扬，个鱿鱼野菜天妇罗都炸得香脆，唔会一上枱就淋晒，鱿鱼炸咗好香口，个粉桨唔系太厚，咁做嘅天妇罗系比较好食，同埋碟头都算大，都几抵食。而手打沙甸鱼丸子矶边扬睇个名唔知系咩，好在有幅图，好似𫠒鱼小丸子咁嘅样，呢碟手打沙甸鱼丸子嚟度卖相都唔错，食落满口沙甸鱼味，同平时食𫠒鱼小
每次都食刺身，今次都唔例外，有活赤贝刺身、三文鱼刺身、甜虾刺身、帆立贝刺身及矶煮日本鲍鱼。这里的帆立贝一向都系信心保证，厚厚的肉身加帆立贝鲜味，每次都食唔停口。甜虾刺身够大只，虾肉又够爽口，够新鲜才有呢个口感，而三文鱼一贯水准，我最欣赏呢个刺身冰碟，冰一面溶冰水则往下流，唔会令成碗冰都系水，咁d刺身就浸在冰水中，但呢只冰碟设计就唔会影响刺身质素，值得一赞。活赤贝刺身真的够新鲜，我在大舖先会食贝壳类嘅海鲜刺身，感觉比较安全，呢个赤贝刺身好鲜味，爽爽嘅赤贝从来都系我心头好。而矶煮鲍鱼唔系好大只，但够鲍鱼味，煮得令鲍鱼更好食，唔会太淋身，结果叫多咗一客。
食咗两款季节限定，分别系鱿鱼野菜天妇罗及手打沙甸鱼丸子矶边扬，个鱿鱼野菜天妇罗都炸得香脆，唔会一上枱就淋晒，鱿鱼炸咗好香口，个粉桨唔系太厚，咁做嘅天妇罗系比较好食，同埋碟头都算大，都几抵食。而手打沙甸鱼丸子矶边扬睇个名唔知系咩，好在有幅图，好似𫠒鱼小丸子咁嘅样，呢碟手打沙甸鱼丸子嚟度卖相都唔错，食落满口沙甸鱼味，同平时食𫠒鱼小丸子口感唔同，比较硬身d，好有肉质感觉，比𫠒鱼小丸子好食，同埋都炸得香脆，呢两款香口炸物都唔错。
第一次点鳗鱼面卷，其实系鳗鱼卷，不过唔系寿司饭，而用乔麦面整，有创意嘅菜式，个鳗鱼面卷都几大件，有少许炸过，但唔油腻，鳗鱼加乔麦面呢个配搭又几好食，鳗鱼都肥美，味道好，每人一件，所以又叫多一碟，食过返寻味！
张贴
