初心

营业中

休息中

又嚟到打边炉同食鸡煲既季节，朋友话想一次过满足两个愿望，竟然比佢揾到间餐厅有得打边炉有得食鸡煲，仲有刺身食tim，劲！一入到餐厅，职员已经好细心咁讲解上菜既次序，值得一赞~餐前小食有虾饼、云耳、蛋黄鱼皮、四季豆同鸡脚。鸡脚既汁好香浓，而且鸡脚都好淋好入味~然后上刺身，有带子、海胆、生虾、三文鱼、海螺、吞拿鱼，唔止摆盘靓，有干冰冒烟出嚟营造视觉效果，而且每样食物都好新鲜！之后系鸡煲，我地都唔食得辣，所以拣咗唔辣，鸡煲既配料足，有冬菇，洋葱，猪皮，腐竹，所以闻落香喷喷，食落又惹味。嚟到主角花胶北菇菜胆锅，本身汤底清甜 我地一人饮咗一碗！火锅配环球海鲜船（包括两只蟹、虾、鲍鱼、青口等等），除咗蟹之外其他海鲜仲可以添加，超满足！极上肥牛每一片既油花都好平均，正！黑豚肉因为系黑毛猪，所以一d骚味都冇。野花盛放就系蔬菜，打边炉一定要食菜，咁样感觉好健康🤪其他配料包括响铃、鱼皮饺、丸类、云吞等，真系数都数唔哂！最正既系仲有芝士蛋糕做甜品，成餐饭好圆满！