一本‧串里 (已結業)

今次晚餐只系嗌咗刺身同一个炒饭，已经觉得呢间店舖嘅质素系相当唔错。💯💯我哋嗌咗嘅系呢个杂锦刺身（26片）有三文鱼6片、北寄贝4片、八爪鱼4片、大甜虾4只、鲜带子4片、油甘鱼4片。想特别讲下油甘鱼，每一块嘅厚度都唔会太薄，食落淡淡甘甜，每口都充斥鱼油香气，有种清爽口感。仲有带子同样非常大只，鲜味得黎好甘甜，食落唔会有韧嘅感觉。而甜虾有种润韧食感，系鲜甜嘅味道。💯海胆蛋白带子炒饭都系值得一试嘅炒饭。啲饭炒得几干身粒粒分明。熟咗嘅三文鱼亦都系好惹味，捞埋蛋白一齐食就增添口感。