新港海鮮火鍋

营业中

休息中

一行6人，唔知食咩，打边炉一定唔会错。有食斋、有唔食牛，各式各样一样满足到。叫咗半份象拔蚌刺身，加多少少钱就跟一份刺身拚盆，包括有三文鱼、带子、剑鱼、原只赤具、北期贝、喜灵鱼⋯⋯象拔蚌半份都有好多，新鲜、好味。刺身都够鲜味。叫咗海鲜汤底，有好多只虾及花甲，仲有好多菇菇一起。肥牛、肥瘦适中，有口感。猪腩片，有肥味，好食炸鱼皮，出色，大大片又唔会油淋淋。鳝片，正常味道。菜肉饺子，大大碟、大大粒，都好新鲜。蔬菜都好大份、绿油油。最窝心食饱送你奶冻甜品一份，正。食物质量好、服务员态度唔差，有礼貌，难怪6:30已经有8成以上入坐率。