伊賀日本燒肉料理 (已結業)

爹哋生日，次次都系酒楼食海鲜有啲闷，今次大家提议食烧肉，系OpenRice search下，见到伊贺有不少好评。最尾就拣咗喺尖沙咀的伊贺 !地方就脚，地铁行去都系几分钟行入去都系几分钟，到门口已经好有烧肉餐厅的气氛，有开扬落地玻璃，坐得好舒服，枱与枱之间都几阔落。最正系烧肉之余又可以食刺身，D 刺身排到靓一靓，带子软滑，北寄贝有甜味，三文鱼肥美。烧肉系以件数黎落单，每样试少少就可以样样都试吓，牛肉上枱，一睇就知质素不错，脂肪分布好均匀，我最爱牛舌，油脂格外平均，不会太肥又爽口。另外一口牛都几唔错，肉质嫩滑。最喜欢就系烧鸡泡鱼干, 唔太肥, 但又可以不断gam 食不断gam 食。海鲜都有几款，青口同大虾款款都大大件。唯一美中不足的是蚬有2粒唔开口。个人觉得必食系烧大虾，大只又新鲜，而且虾肉超甜。当然仲有不可错过的烧菠萝啦。总括而言，呢度每款肉类质素都几不错， 烧出黎香味令人流哂口水，但食完个身唔会好大油烟味，环境、服务都超高，可以再encore。