影片
更多
2020-12-18
468 浏览
今次介绍系一间旧舖系屯门、结业两年后转战葵广嘅人气章鱼烧。以前经友人介绍知道呢间位置非常偏僻，但味道非常好食嘅章鱼烧。当时香港冇咩特别好食嘅章鱼烧，觉得依间系𠮶时全香港最好食，因为佢非常之足料。而今次葵广嘅店主两兄弟系屯门店嘅旧食客，专程拜访旧店主拜师，最后接手将味道重现江湖。-排队🧍🧍🧍章鱼烧都系即叫即制，当日系星期六大约两点，落咗order大概等咗5至10分钟就有，唔算多人，等紧嘅同时两三个食客都等紧。-Menu📋新店而家提供九款口味嘅章鱼烧，比较多人叫系明太子，特别嘅味道有咸蛋黄金流沙、流心玉子，呢两种特别嘅味道成日会卖晒，份量有六粒同八粒选择。如果想试多啲口味可以叫双并加两蚊，但牛乳流心玉子唔可以双并。-1️⃣ 超正啖啖明太子章鱼烧💰33（👅: 7.5/10）非常足料嘅章鱼烧，每粒章鱼烧上面都有超多明太子，再加蛋黄酱、烧汁包围着，明太子有小小鱼籽既香脆口感。章鱼烧外脆内软，烧到有小小焦，温度非常足够，会辣口因为系即叫即制，店舖采用新鲜制嘅面糊，粉浆唔会太稀，唔会食到生生粉浆既味。章鱼够大粒，口感烟韧几弹牙，再加上大量嘅木鱼丝，连同脆脆嘅章鱼烧皮，口感非常之丰富满足。木鱼丝系摆系侧边
今次介绍系一间旧舖系屯门、结业两年后转战葵广嘅人气章鱼烧。以前经友人介绍知道呢间位置非常偏僻，但味道非常好食嘅章鱼烧。当时香港冇咩特别好食嘅章鱼烧，觉得依间系𠮶时全香港最好食，因为佢非常之足料。
而今次葵广嘅店主两兄弟系屯门店嘅旧食客，专程拜访旧店主拜师，最后接手将味道重现江湖。
-
排队🧍🧍🧍
章鱼烧都系即叫即制，当日系星期六大约两点，落咗order大概等咗5至10分钟就有，唔算多人，等紧嘅同时两三个食客都等紧。
-
Menu📋
新店而家提供九款口味嘅章鱼烧，比较多人叫系明太子，特别嘅味道有咸蛋黄金流沙、流心玉子，呢两种特别嘅味道成日会卖晒，份量有六粒同八粒选择。
如果想试多啲口味可以叫双并加两蚊，但牛乳流心玉子唔可以双并。
-
1️⃣ 超正啖啖明太子章鱼烧💰33（👅: 7.5/10）
超正啖啖明太子章鱼烧
$33
50 浏览
2 赞好
0 留言
非常足料嘅章鱼烧，每粒章鱼烧上面都有超多明太子，再加蛋黄酱、烧汁包围着，明太子有小小鱼籽既香脆口感。
章鱼烧外脆内软，烧到有小小焦，温度非常足够，会辣口因为系即叫即制，店舖采用新鲜制嘅面糊，粉浆唔会太稀，唔会食到生生粉浆既味。
章鱼够大粒，口感烟韧几弹牙，再加上大量嘅木鱼丝，连同脆脆嘅章鱼烧皮，口感非常之丰富满足。
木鱼丝系摆系侧边几贴心，可以按个人喜好加。
-
2️⃣ 超浓香黑松露章鱼烧💰33（👅: 7.5/10）
超浓香黑松露章鱼烧
$33
39 浏览
2 赞好
0 留言
味道唔会太咸，香味几出。
黑松露个酱好香浓，佢既咸香味配章鱼烧几匹配，但系唔会抢走本身章鱼烧嘅味道。
-
3️⃣⃣ 和风蜜糖芥末章鱼烧💰30（👅: 7/10）
和风蜜糖芥末章鱼烧
$30
17 浏览
2 赞好
0 留言
芥末有少少微辣，加上蜜糖嘅甜，又甜又辣，不过蜜糖既比例会多过芥末。
酱汁稍多，会令到个外皮无咁脆，会感觉似食酱多过食章鱼烧。
-
🌟感觉上今次葵广开嘅新店，同我以前喺屯门红桥食到嘅味道有少少分别，始终系拜师唔系同一个人再开店，唯一唔变嘅就系依然咁足料。
店主初为老细，店舖由10月头试业至今，一直听取大家唔同嘅意见去改进，一直有虚心嘅心态去学习，净系呢样我觉得呢间小店就好值得大家去支持，同埋唔好吝啬大家嘅意见，好食嘅就鼓励，或者可以喺佢哋IG反映意见。
前店主有讲过希望大家叫佢哋做𠮶啲叫章鱼烧唔好叫小丸子，因为对佢来讲做法贴近日式𠮶啲叫章鱼烧，台式同港式先叫小丸子，希望新店主可以秉持旧店主嘅执着同坚持，做出香港更好食嘅章鱼烧。
-
👅味道: 7.5/10
🍴环境: 7/10
💰消费: $33 (服务费: NA)
张贴
