影片
更多
2024-06-16
374 浏览
原本book咗位7:30去试吓呢间评价几好嘅餐厅。适逢父亲节，家父钟意饮酒睇波，所以就拣咗过嚟呢度饮酒食串烧。我哋7:11已经入咗，当时个场唔系好满，只有几台客人。我哋落单之后，一个年轻女职员同我哋讲几款嘢食已经冇，曾经问过佢系咪所有白鳝嘅食品都冇佢答我系，所以改咗做完条烧鳗鱼，之后就开始无限等待，一杯嘢饮晒，乜嘢都野食都未落肚。等咗半个钟有嘢食上嚟，系烧带子，但问题系我哋冇叫过烧带子，一个年轻男职员同我哋讲：「唔系㖞，你张单有写」拎埋张单俾我睇，好明显连张单都唔系我嘅。都已经知道佢哋搞乱晒单。差唔多40分钟，上咗三只烧生蚝，女职员摆低就行开咗，我地好奇，我明明冇叫烧生蚝，但叫咗半打生蚝就影都未见过，女职员先行返转头同我哋补充话呢个系book位送嘅。烧生蚝味道唔错，大只有海水味，食得出都系新鲜嘅。继续等待，见其他迟过我地到嘅客人都陆续有嘢食上枱，差唔多50分钟嘅时候终于上咗一个烧原条鳗鱼同炸鳝骨，我已经饿到冇力再讲废话，问佢地明明话已经冇白鳝，点解又会有炸鳝骨上枱。原条烧鳗鱼系平时商场会买到叮叮𠮶款，咸！劲咸！好薄！白鳝骨系又干又硬，冇乜调味。等咗超过一个钟头，所有嘢食都未上枱，忍唔住
我哋7:11已经入咗，当时个场唔系好满，只有几台客人。我哋落单之后，一个年轻女职员同我哋讲几款嘢食已经冇，曾经问过佢系咪所有白鳝嘅食品都冇佢答我系，所以改咗做完条烧鳗鱼，之后就开始无限等待，一杯嘢饮晒，乜嘢都野食都未落肚。
等咗半个钟有嘢食上嚟，系烧带子，但问题系我哋冇叫过烧带子，一个年轻男职员同我哋讲：「唔系㖞，你张单有写」拎埋张单俾我睇，好明显连张单都唔系我嘅。都已经知道佢哋搞乱晒单。
差唔多40分钟，上咗三只烧生蚝，女职员摆低就行开咗，我地好奇，我明明冇叫烧生蚝，但叫咗半打生蚝就影都未见过，女职员先行返转头同我哋补充话呢个系book位送嘅。
烧生蚝味道唔错，大只有海水味，食得出都系新鲜嘅。
继续等待，见其他迟过我地到嘅客人都陆续有嘢食上枱，差唔多50分钟嘅时候终于上咗一个烧原条鳗鱼同炸鳝骨，我已经饿到冇力再讲废话，问佢地明明话已经冇白鳝，点解又会有炸鳝骨上枱。
原条烧鳗鱼系平时商场会买到叮叮𠮶款，咸！劲咸！好薄！白鳝骨系又干又硬，冇乜调味。
等咗超过一个钟头，所有嘢食都未上枱，忍唔住问吓职员系发生乜嘢事，佢问:「请问你哋有咩系未上？」(^_^)我指住枱两碟鱼同佢讲「除咗呢两个乜嘢都未上过」佢哋话帮我了解一下，入咗一阵厨房出返嚟同我讲厨房漏单，我立即同职员讲：「咁我唔食喇，你同我全部cut晒佢」职员同我讲:「唔好意思唔得，因为宜家食物已经入咗炉」 后来家人同我都好嬲，唔明白点解唔可以cut单？我地已经等咗咁耐，然后所有串烧都冇上过。
职员不断道歉同我哋讲，因为今日嘅外卖比较多，所以会有漏单嘅情况。我真系唔系太明白，既然餐厅知道自己应付唔到，点解唔系专注咗做堂食嘅客人先，而系要怪落外卖出唔切，请问我哋点解要体谅？
职员有话free我地一round酒，但系我同家人都好肯定要离开，最终佢哋都有俾我哋cut晒所有未上嘅嘢食。
我相信，呢间嘢啲嘢食质素可能唔会太差，但系今次嘅用餐体验可以话系历来最差嘅一次，可以睇得出职员年轻唔熟手，漏单，睇错嘅情况严重，连Final印张单俾我哋睇曾经落过啲咩，都有嘢系漏嘅，做事亦推搪。
环境方面，后面嘅冷气不停的水，地面系湿嘅好容易跣亲人，家父亦比冷气水滴湿几次。
2 浏览
0 赞好
0 留言
张贴
