影片
更多
2008-02-24
7 浏览
寻日去完呢间烂鬼餐厅食dinner，食完一肚气，谂住o黎呢度写臭佢，警惕大家咪贴钱买难受，点知原来呢间o野本身已劣评如潮，唉，真失败。寻晚同女朋友行铜锣湾，本来谂住食吉列专门店，但由于太多人，唔想等位，所以决定去金百利睇o下有乜好食。o系楼下俾佢o的传单吸引jor上去，about$60-90一个set，好似几抵咁.......恶梦就由呢刻开始。搭lift gei时候，发现每层gei食肆都好多人等位，点知上到去，呢间o野冇人等位不特止，仲要劲多吉tables任你坐，装修普通......心里有o的不祥感，但既然上jor去，就试o下la。一坐低，有个肥佬waiter问我地要乜，态度尚可，我地要jor"大虾拼免翁牛排"+"香煎银鳕鱼拼猪肉眼排"+两只"芝士焗蚝"，又问我地"牛排要几成熟?"，我地就答"7成la"。餐汤本人觉得一般但未至于差，蒜蓉包脆但极薄，刀功可谓一流。前菜系"芝士薯茸焗田螺"，系用只咖啡碟载住两小只冇壳田螺，下面有一小pat薯茸，成碟都冻gei，食落系酸gei，明显系摆jor好耐，翻叮时间又不够。主菜出场，大虾拼免翁牛排，用只长条型茶餐厅feel瓦碟载住，"大虾"两只，大约有
寻晚同女朋友行铜锣湾，本来谂住食吉列专门店，但由于太多人，唔想等位，所以决定去金百利睇o下有乜好食。o系楼下俾佢o的传单吸引jor上去，about$60-90一个set，好似几抵咁.......恶梦就由呢刻开始。
搭lift gei时候，发现每层gei食肆都好多人等位，点知上到去，呢间o野冇人等位不特止，仲要劲多吉tables任你坐，装修普通......心里有o的不祥感，但既然上jor去，就试o下la。
一坐低，有个肥佬waiter问我地要乜，态度尚可，我地要jor"大虾拼免翁牛排"+"香煎银鳕鱼拼猪肉眼排"+两只"芝士焗蚝"，又问我地"牛排要几成熟?"，我地就答"7成la"。
餐汤本人觉得一般但未至于差，蒜蓉包脆但极薄，刀功可谓一流。
前菜系"芝士薯茸焗田螺"，系用只咖啡碟载住两小只冇壳田螺，下面有一小pat薯茸，成碟都冻gei，食落系酸gei，明显系摆jor好耐，翻叮时间又不够。
主菜出场，大虾拼免翁牛排，用只长条型茶餐厅feel瓦碟载住，"大虾"两只，大约有一只食指咁大，仲要系炸到过晒火，头都变晒透明。"牛排"系连茶餐厅o的黑椒牛排饭都不如gei薄牛排，只有0.5cm，最搞笑系之前仲要问我地要几成熟，一块咁薄gei排点分几成熟呢???成块o野被炸到全熟，又干又鞋，食jor一啖就放弃。
之后系香煎银鳕鱼拼猪肉眼排，卖相同之前一致，银鳕鱼系坚gei，但得一小块，仲要散开成三小旧，会唔会核突jor o的呢?唔明点解佢地够胆拎出o黎俾客食。卖相暂且不提，鳕鱼得个咸字，肉又唔滑，块猪排again茶餐厅都不如，望落去白色一块，未食都已经知道劲鞋，我都有试一啖，结果当然系同我所谂gei一样la，佢地够胆死叫呢块o野做猪肉眼排。
到个芝士蚝，唉，真系唔想讲，旧肉得我只手指公块指甲咁大，细都唔紧要，仲要水汪汪，冇味道同埋唔热。
结果，我地连餐饮都冇嗌就走jor，埋单$156大元。临走都不忘同佢地o的侍应反映意见，但换来gei并唔系诚恳道歉，而系一副呆滞gei面容发出"哦"的一声。
最衰我地嬲得滞走得太快唔记得影相，如果唔系一定影低证据同大家分享。
最后落番4楼食花园餐厅食，叫jor两个餐again，size合理又好味，埋单都只系$12x，两餐夹埋够我地食一餐吉列专门店，真系后悔。
咁gei餐厅都唔使执，香港经济似乎真系好好。
张贴