San Babila

营业中

休息中

6 course $368，一路食每一道菜，都觉得水准有番咁上下，有心经营，可以再encore。惟有到差不多食完之后同职员倾开偈，先知道原来厨师系文华酒店嘅退休大厨。老板有能力请到好厨师返嚟，但系可能宣传唔算太多，餐厅唔算full，可能系有待被启德人新蒲岗人发现嘅沧海遗珠？柚子焗蚝的柚子和蚝好夹，又大只。Parma ham 正正常常。南瓜忌廉汤真系啖啖南瓜蓉，还可以。香煎大虾系令我哋surprise咗嘅，新鲜又大只，有如千几蚊一餐、日本铁板烧既质素。香煎比目鱼忌廉汁也处理得不错，肉质鲜嫩，卖相也吸引。甜品系法国焦糖炖蛋或Movenpick雪糕。餐厅环境几有异国风情，橙红色嘅墙身有一种亢奋好chill嘅感觉😆除咗食六道菜，都有散叫的选择。lunch Menu 大概$100，打算下次试吓，如果真系同今次晚餐水准一样，咁就真系几值得食。