影片
更多
2007-09-08
72 浏览
楼下果位食家,我觉得似卖广告居多,写食评又冇评价边样好食,只系不停赞食物及服务?!但又唔知究竟边样好食?呢间【丽新】好得意好特别,因为铺面冇招牌,我怀疑系冇食物牌照!?我唔系踩呢间食肆,讲真佢装修,以果一条街讲,算系几企理几抢眼。但佢前身系【元朗广场】,侧边巷仔茶水档,之后搬过扩充营业。呢间餐厅仲有外号,系叫【警察食堂】,因为太近警署及宿舍,加埋佢系新开张,同埋装修较企理,所以好多差人都会新屎坑,会不时帮衬一下啰!食物方面普通加一般,感觉只系茶水档水准,但系有冷气地方坐啰!服务讲,只系事头婆较殷勤,因为事头婆佢明白良好服务,先有回头客嘛!事头婆佢本身系教幼稚园,所以佢本身唔系饮食出身,但佢外行人讲,企顾客方面谂,系总好过佢老公谂!老板听闻听从堪虞大师指示,留满胡须旺事业,可能咁得咁乔,留须又好似转运㖞...哈!不过以我顾客方面睇,老板企水吧内,满脸长胡须就好似唔多好睇,加埋好似唔多卫生,或者本身佢留须唔好睇卦!?佢须好似唔多顺,我觉得佢要做下负离子啰...哈!食物如果再维持茶水档水准,我觉得好难维持生意啰!同埋我觉得事头婆,殷勤服务态度过份殷勤,殷勤到我觉得好烦,食紧都要不停搂客讲!价
呢间【丽新】好得意好特别,因为铺面冇招牌,我怀疑系冇食物牌照!?
我唔系踩呢间食肆,讲真佢装修,以果一条街讲,算系几企理几抢眼。但佢前身系【元朗广场】,侧边巷仔茶水档,之后搬过扩充营业。
呢间餐厅仲有外号,系叫【警察食堂】,因为太近警署及宿舍,加埋佢系新开张,同埋装修较企理,所以好多差人都会新屎坑,会不时帮衬一下啰!
食物方面普通加一般,感觉只系茶水档水准,但系有冷气地方坐啰!服务讲,只系事头婆较殷勤,因为事头婆佢明白良好服务,先有回头客嘛!事头婆佢本身系教幼稚园,所以佢本身唔系饮食出身,但佢外行人讲,企顾客方面谂,系总好过佢老公谂!
老板听闻听从堪虞大师指示,留满胡须旺事业,可能咁得咁乔,留须又好似转运㖞...哈!不过以我顾客方面睇,老板企水吧内,满脸长胡须就好似唔多好睇,加埋好似唔多卫生,或者本身佢留须唔好睇卦!?佢须好似唔多顺,我觉得佢要做下负离子啰...哈!
食物如果再维持茶水档水准,我觉得好难维持生意啰!同埋我觉得事头婆,殷勤服务态度过份殷勤,殷勤到我觉得好烦,食紧都要不停搂客讲!
价钱就真系ok 几抵,当系填饱肚都可以,晚饭就唔得啦!
张贴