影片
更多
2021-07-01
615 浏览
咁啱朋友俾左几张海港城餐饮coupons我，谂住出去食下贵野啦，但个日已经系啲coupons嘅过期前一日，想食嘅间间都full booking，仲要连walk in都唔俾。见到呢间有人排就排下啦，等左30分钟就入得。呢度对住个无敌大海景，自然光透入黎营造左一个好开扬嘅感觉。周末呢度净系提供brunch menu，咁相对平日嘅lunch menu贵百几蚊左右，不过就多一个course。呢度系食松露嘅专门店，所以每一道菜都会有松露嘅成份。我哋前菜分别叫左一个香煎鹅肝同埋巴马火腿配无花果。呢两样都系要另外加钱的。佢嘅鹅肝好肥美，仲要好香油脂味，一放入口啲油就咇晒出嚟，口感都好滑。为左中和油腻感，佢仲配左用红酒烩嘅苹果喺旁边，爽脆嘅口感同酸甜嘅味同份鹅肝形成好大对比，但正正系咁先至夹得天衣无缝。巴马火腿同无花果都系用左同一set formula去配搭，巴马火腿嘅咸香同咬劲夹无花无果嘅清新同柔软，又系一个绝配。作为前菜，两样都系运用左水果嘅清爽打头阵，设计满分！餐汤我哋都拣左松露牛肝菌浓汤，佢个汤打得好滑同埋好重蘑菇香味。如果成碗都系啡色视觉上冇咁好睇，餐厅仲专登喺面打左一层白色嘅泡泡，即刻靓仔
呢度系食松露嘅专门店，所以每一道菜都会有松露嘅成份。我哋前菜分别叫左一个香煎鹅肝同埋巴马火腿配无花果。呢两样都系要另外加钱的。佢嘅鹅肝好肥美，仲要好香油脂味，一放入口啲油就咇晒出嚟，口感都好滑。为左中和油腻感，佢仲配左用红酒烩嘅苹果喺旁边，爽脆嘅口感同酸甜嘅味同份鹅肝形成好大对比，但正正系咁先至夹得天衣无缝。
香煎鹅肝.红酒苹果.野莓酱.松露
11 浏览
0 赞好
0 留言
意大利风干火腿.无花果.松露
11 浏览
0 赞好
0 留言
餐汤我哋都拣左松露牛肝菌浓汤，佢个汤打得好滑同埋好重蘑菇香味。如果成碗都系啡色视觉上冇咁好睇，餐厅仲专登喺面打左一层白色嘅泡泡，即刻靓仔哂，摆盘上都冇少花功夫。
牛肝菌浓汤.松露
17 浏览
0 赞好
0 留言
反而去到主菜就有啲失望，我叫左澳洲m6和牛三文治，原本喺我脑海入面想像嘅系厚切嘅和牛啦，点知原来系碎到冇得再碎嘅牛肉片，上到黎我仲以为佢上错左添，仲要两块包烧㶶到黑哂，360度点影都救唔到个种黑。食落个包系几脆嘅，不过烧到咁唔脆都难。仲要啲肉缺乏肉汁，本身酱汁又唔多，搞到成旧野都好干，仲要配菜系几块薯片，干上加干。
澳洲m6和牛三文治.松露蛋黄酱.焦糖洋葱.松露
21 浏览
0 赞好
0 留言
澳洲m6和牛西冷.松露
15 浏览
0 赞好
0 留言
个日嘅甜品系朱古力慕丝，上面有啲果仁咁，甜到我食左一旧就停左手。
21 浏览
0 赞好
0 留言
虽然佢每碟菜都有片几片松露上碟，但作用唔大，只系视觉上见到有松露，味觉上就唔系好感觉到。用完coupons最后埋单都要千几蚊，如果正价食更加唔抵。
张贴
