影片
更多
2021-03-29
1541 浏览
喺Ando未成为米芝莲一星嘅时候已经一枱难求，weekday晚餐都要一个半月前开始book。我相信而家变咗一星应该更加难book。Book枱𠮶阵已经睇咗Menu，俾咗$1000 deposit。记得以前有两款Menu，一款$1288一款$1688。可能而家做咗米芝莲一粒星得返贵menu ($1688)。我一坐低就去咗洗手间，佢除左有Le Labo嘅洗手液润手霜仲好贴心咁有消毒药水俾你喷手。佢冇将个Menu摆喺枱面但系有咁多道菜嘅明信片，等你一路食一路揾返边张明信片代表佢道菜。记住要留意个waitor同你解释道菜,佢哋会帮到你明信片㗎,因为都唔系咁易估。我唔多讲个明信片等你到时自己慢慢估啦！我唔记得影相，但系个哥哥介绍左只几特别嘅酒俾我哋，佢系一只西班牙orange wine 有啲陈皮味嘅，佢话都系用提子酿酒不过酿出嚟系橙色嘅。几特别，不过我唔系好惯浸陈皮味。不过平时冇乜机会饮到呢只味，可以试吓㗎！第一味系个beef tartare, 佢有啲脆脆喺度好香口不过稍稍油少，上面有啲鱼子酱其实整体都好清新嘅。第二味系个士多啤梨加Cherry tomatoes，又酸又甜好夹。Li 一味一定系开胃
Book枱𠮶阵已经睇咗Menu，俾咗$1000 deposit。记得以前有两款Menu，一款$1288一款$1688。可能而家做咗米芝莲一粒星得返贵menu ($1688)。
我一坐低就去咗洗手间，佢除左有Le Labo嘅洗手液润手霜仲好贴心咁有消毒药水俾你喷手。
佢冇将个Menu摆喺枱面但系有咁多道菜嘅明信片，等你一路食一路揾返边张明信片代表佢道菜。记住要留意个waitor同你解释道菜,佢哋会帮到你明信片㗎,因为都唔系咁易估。我唔多讲个明信片等你到时自己慢慢估啦！
我唔记得影相，但系个哥哥介绍左只几特别嘅酒俾我哋，佢系一只西班牙orange wine 有啲陈皮味嘅，佢话都系用提子酿酒不过酿出嚟系橙色嘅。几特别，不过我唔系好惯浸陈皮味。不过平时冇乜机会饮到呢只味，可以试吓㗎！
第一味系个beef tartare, 佢有啲脆脆喺度好香口不过稍稍油少，上面有啲鱼子酱其实整体都好清新嘅。
第二味系个士多啤梨加Cherry tomatoes，又酸又甜好夹。Li 一味一定系开胃菜！
跟住就到佢嘅signature dish, 个个黎亲呢度都一定会影呢一碟菜。佢有五种鱼（有其中一样系西班牙大虾唔系鱼）啦，每一种鱼嘅味都唔一样有唔同嘅食法。我最钟意食佢个油甘鱼，我食埋我男朋友𠮶嚿！
跟住到佢个面包tray,好适合啲好似我好钟意食面包嘅人。佢有三种唔同嘅牛油配返三种唔同嘅面包，有啲牛油系creamy d有一只就smoky d。最好味当然系佢个只千年橄榄油树整出嚟嘅橄榄油，第一次食橄榄油系会觉得佢苦苦地个味好浓郁，超级好味！
跟住到呢个鱼，橙色黑色系整到好似只鱼眼咁样，橙色系sun-dried tomato, 黑色系olive paste。个汁好好味，我食晒啲鱼之后用面包点埋啲汁。
呢个时候侍应哥哥又介绍咗我哋饮一只红酒开返之后嘅阿根廷牛。
跟住到佢个和牛，佢上面配左种好特别嘅蔬菜我唔记得咗个名，再加埋一样放喺天山雪莲侧边既辣椒。佢喺上面加咗黑松露，望落去好矜贵。和牛始终有啲油油地，我食到都好滞。
跟住到成餐饭嘅高潮，呢个汤饭话系个大厨嫲嫲传落嚟嘅Menu，用蚬煮高汤加咗啲西班牙肠chorizo同埋有啲墨鱼咀。一碗完全唔够喉
呢个甜品里面有浓嘅咖啡汁漏出嚟，令到个甜品唔会好甜。咖啡苦苦哋令到本身好饱嘅我哋都唔会有滞嘅感觉。
最后有啲小糕点埋你，其实我已经饱到食唔到咩味喇！我记得粉红色𠮶旧系用樱花煮嘅糯米饭，好好味。其他我已经唔系好记得啲味！
整体来讲个大厨plan Menu嘅时候系好用心, 佢好小心将西班牙同日本嘅味道加埋一齐。所有Staff都好有心，佢迟啲转Menu我会再嚟！
张贴
