意粉屋 (已結業)

有朋友生日，一行四人黎同佢庆生。Happy Friday好多人呀! 等左好耐先有位。等位等到我劲肚饿，一坐低二话不说即点了两个二人餐。汤叫了龙虾汤同忌廉汤，龙虾汤好香龙虾味、几特别，忌廉汤都好香浓，好味! 食物方面，pizza 点了厚批，但系个皮比平时食开个0的更厚，都系pizza hut 的好食0的。黎Spaghetti house最好食既都系意粉，三文鱼天使面配蕃茄，天使面好烟韧好好味，三文鱼都几新鲜。另一碟系肠仔磨菇意粉，意粉就好好食但系0的料唔系好得咯，斋肠仔同磨菇我自己系屋企整都得啦! 个咖哩炒饭都系普普通通。成餐饭最好食既反而系个小食---黑椒烧烤鸡翼。BBQ 味加上甜甜既蜜糖，值得推介! 跟餐既咖啡同荔枝soda 都好甜，难以入口，我饮左两啖就冇饮啦~呢餐都唔算好贵既，因为二人套餐用信用卡埋单有折，食物份量多都连我呢个大胃王都食唔哂咯。不过食物质素就好一般，同一班friend 庆生gather 一下都系一个唔错既选择。