探花 (已結業)

今日黎到铜锣湾顺便去探花食饭，探花系一间结合左创意同传统中菜于一身既餐厅，都几有名架。青森苹果叉烧酥入面系青森苹果碎同叉烧，苹果好清甜，外面层皮用左菠菜上色，咬落好酥脆。西班牙红虾饺虾饺外面用左红菜头上色，入面既虾好弹牙，隔离既汤都系精华，有虾香味，味道好浓郁。烟熏京葱牛牛肉好滑，煮得岩岩好，味道特出，调味调得好惹味。牛肉下面系京葱，入口爽口又多汁。海鲜泡饭个汤真系成个饭既精华，用左好多樱花虾同虾仁碎，成个汤都好香虾味。个泡饭吸收晒成个汤既精华，真系好好味。整体黎讲，餐厅既点心整得好有心思，卖相又吸引，创新之余又有传统风味。