皇庭匯 (已結業)

今日我们去咗「皇庭汇」旺角店饮下午茶！喺点心纸上见到他们推出咗新款点心，我们就即刻点咗嚟食！我们叫咗皇庭汇虾饺皇、鲜虾菜苗饺、露笋鲜虾肠粉、脆皮烧肉幼面、鲜鱼片粥、蚝皇叉烧包、脆皮叉烧包、冬茸冬菇包同紫薯煎软饼！皇庭汇虾饺皇同鲜虾菜苗饺都保持到一贯水准，饺皮非常薄同烟韧弹牙，鲜虾亦相当大只同鲜味十足！系本人嘅必食推介！脆皮烧肉幼面嘅烧肉相当皮脆肉嫩，而幼面嘅面质亦好弹牙！鲜鱼片粥嘅粥底煲得好绵，鱼片同生菜都好多，真系非常足料！脆皮叉烧包嘅脆皮焗得非常香脆，包质超松软，叉烧亦好蜜汁！而新推出嘅露笋鲜虾肠粉嘅配搭好新鲜，露笋同鲜虾夹埋一齐食，感觉相当清新同爽口弹牙！真系创意十足！另一款新推出嘅冬茸冬菇包嘅卖相真系好似一只冬菇非常得意，本来以为入面嘅冬茸会系将冬菇切碎嚟做馅，但咬落去先知原来系冬瓜蓉，感觉非常特别！