Smokey Ice (已結業)

系假期嘅日子，下午茶当然亦要食得丰富啲。去到旺角出名嘅甜品店，先饮两杯透心凉嘅野饮，先有荔枝特饮、玫瑰特饮，甜味适中，果味浓郁，系呢啲炎热日子嘅好选择。接著系人见人爱嘅炸物，炸物拼盘有蜜糖鸡翼，皮脆肉汁丰富，虾饼有微微辣味，够晒过瘾，而炸芝士条唔系常见嘅小食，呢度炸得芝士软绵，值得推介!食完咸点后，当然系甜品时间，先有香蕉pancake，pancake皮煎得软软软，一啲都唔结实，中间再夹住香蕉、同埋忌廉，以及烧得半溶嘅绵花糖，满足感十足!而最期待嘅「牛扒」，其实系干冰制造嘅效果，加上朱古力碎雪糕，就有如牛扒嘅卖相，而薯条则用上蕉糖香蕉，跟雪糕相当匹配，绝对值得一试!