品味創意台灣料理 (已結業)

同男朋友经常都会黎呢边睇戏，贪有泊车优惠。最近听闻呢到开左唔少新野，仲有食街，就决定黎试下。人流方面真系小猫三四只，可能因为位置较偏僻，而且又冇咩人知既关系啦。而今次决定食下呢间台湾野。睇meun选择都几多，但望落唔多似系主打台湾野食。食物1.香辣蒜片什菜丝配珍珠带子炒手作面因为唔系太食得辣就特登同侍应讲左话要小辣，佢地都好贴心咁同厨房师父讲左声😊。手工面食落好有口感，好黏韧，炒得好入味。珍珠带子方面，由于第一次食，都唔系好识欣赏，入口即溶既感觉，冇咩味道。2.紫椰菜烧焗芝士海虎虾烩饭侍应话系最多人叫既选择之一，于是我地都决定点黎试下睇下有咩过人之处。由于用到紫椰菜既关系，令到知饭都会呈现浅紫色，加上一只有芝士一起焗既虾，卖相普通。味道方面，整体认为一般，烩饭既感觉不太到，而且冇咩味，咁既配搭食落令人感觉比较DRY。虾方面，普通。整体黎讲，价钱有小小略贵。