Next Station Dessert (已結業)

上网睇左为食blogger介绍完，就趁假期开始晚餐后同男人一齐向next station进发,唔洗排队即刻有得入，店内环境一般，无特别设计，座位部份都以高台为主，坐得唔太舒适，仲有d逼！我地被安排坐系面向开放式厨房既吧台，落完order好似等食咁望住个班甜品师傅，不时有d油烟味，感觉唔太好等左大约十分钟，Test Tube送到黎啦，侍应哥哥极速介绍左3支test tube味道，顺口讲埋进食既次序,由青瓜芥末---热情果---咖啡！青瓜芥末系碎冰，闻都已经闻到青瓜既味道，但味道一般，好似饮青瓜水一样第二支热情果，上下层既啫喱可以话无味，因为中间既热情果奶冻酸味抢晒，但奶冻都算几滑！最后一支咖啡味，浓郁咖啡味，入口第一下系苦，但咖啡奶冻既香滑好快又溶系口，唔中意饮咖啡既我地都觉得好好味，三支中最出色！食完三种味道独特既就梗系试番样为食blogger推介既，亦都系我期待既"法式朱古力班戟配青柠雪芭"！食完佢我更加相信希望愈大失望愈大呢句说话！朱古力好腻，雪芭似洗洁精味，班戟皮又无蛋味！好失望