The Little Corner (已結業)

大热天时最开心就系食雪糕朋友话我知呢度开左间小店有啤酒雪糕食咩话?啤酒雪糕?听完真系觉得好吸引!**宇治抹茶雪糕 $30**(红豆/白玉/抹茶曲奇+$3，朱古力叶$2)身为绿茶控，点可以唔叫呢个呢!加左白玉同红豆(前后+$6)，呢个组合真系无得顶!**粉红仙子 $44**最期待嘅雪糕来啦！个名改得好好听，食落味道好特别，雪糕系用Hoegaarden Rosee整，自家制啤酒雪糕，我谂啤酒雪糕系得呢度先有，老板话都几难整，应该无咩人做。之前一直都好想试呢只口味啤酒，今次终于试到啦！好开心。雪糕面头有d爆炸糖，食落感觉好过瘾，红色一粒粒果d系桑莓脆脆，食落口感好香脆，最正系食完唔会口渴，又唔太甜。每日味道都唔同**Hoegaarden Rosee $25**同朋友share一支，食完雪糕啤啤佢，感觉超爽啊！酒饮落舒适，有微微酸味，好正!舖头虽然细细，但感觉老板非常用心制作美食，食物算独特创新，值得一试。