影片
更多
2014-02-28
5779 浏览
继早前拎住啲COCO嘅蛋糕上到老友家中小叙，我出蛋糕佢出啡，轻松闲聊咗一个下午。由于老友话上次打奶泡出咗啲问题，冲嘅咖啡未如理想，所以，再接再厉，兼且晌佢屋企附近嘅85℃买嚟面包及蛋糕，又再一齐叹叹下午茶 。嚟自台湾嘅85℃，唔经唔觉都晌香港、九龙开咗好几间分店，整体嚟讲好评多过劣评，据讲用料高质、配搭创意，故此，相信质素都有一定水平 ！老友一共买咗3款面包，都喺佢个人心水之一，「专灯」买嚟等我试试，认真有心！有心！ 芝士小墨鱼包 $5成旧炭咁嘅色水，喺加入咗墨鱼汁做包，内里有少少芝士，包面下咗蒜蓉，整体喺芝士味少，蒜味强 ，包身带点烟韧，唔算好好食，个人只会评为唔错。 云彩芋头包 $8.5 依个芋头包倒觉得有心思，首先面层喺加咗香芋嘅酥皮，做成「云彩」花纹，不过个包嘅香芋味主要喺嚟自中间嘅芋蓉，又软熟，又粉香 ，而且，芋蓉中再包咗一细旧麻薯，口感认真多变 。况且，个面包本身做得松软，亦应记一功，值得一试嘅款式 。 蓝莓布丁包 $5.5至于个蓝莓布丁包睇就似喺几靓，不过，入口就知喺普普通通，面面喺一抹吉士，一抹蓝莓酱，相间成趣，吉士味有蛋香，反而嫌蓝莓酱偏甜。面包
老友一共买咗3款面包，都喺佢个人心水之一，「专灯」买嚟等我试试，认真有心！有心！
芝士小墨鱼包 $5成旧炭咁嘅色水，喺加入咗墨鱼汁做包，内里有少少芝士，包面下咗蒜蓉，整体喺芝士味少，蒜味强 ，包身带点烟韧，唔算好好食，个人只会评为唔错。
云彩芋头包 $8.5 依个芋头包倒觉得有心思，首先面层喺加咗香芋嘅酥皮，做成「云彩」花纹，不过个包嘅香芋味主要喺嚟自中间嘅芋蓉，又软熟，又粉香 ，而且，芋蓉中再包咗一细旧麻薯，口感认真多变 。况且，个面包本身做得松软，亦应记一功，值得一试嘅款式 。
蓝莓布丁包 $5.5至于个蓝莓布丁包睇就似喺几靓，不过，入口就知喺普普通通，面面喺一抹吉士，一抹蓝莓酱，相间成趣，吉士味有蛋香，反而嫌蓝莓酱偏甜。面包嘅质感就如港式鸡尾包咁，之但喺，五个几银钱就有一孖两条蓝莓布丁面包，你仲想点？！
蛋糕方便，只喺顺手拈来1款，话怕买得太多，惊食滞我㖞，哈哈！大可放心，小弟挂名「山区」人，体力劳动多，郁动得多，自然都食得多。
巴马臣芝士蛋糕 $19 老友话佢依个芝士蛋糕做得十分唔错，有水准，都只喺卖$19。外形无咩花巧，消化饼底够薄，又唔会太松散，而芝士部份好软身，芝士味颇为香浓，啖啖芝味，啖啖浓郁 ，都真喺无介绍错。
其实晌台湾旅行都有帮衬过85℃，都几钟意佢啲「拿铁」，香港店仲未有机会去试，真喺要揾日帮衬吓先！
张贴
