Homeland (東昌街) (已結業)

朋友带我生日🎂食好西，拣左哩间主打食手工意粉既西餐🍝。本身佢已经试过几次，但今次黎咁岩换左餐牌咁就可以试下新野喇。明太子酥炸鸡翼 $68 + 10%酱汁厚厚咁包住鸡翼🐔，作为明太子控表示好满意，酱汁充满明太子既香味，同时甜甜辣辣咁好开胃。而鸡翼都炸得好香脆😍，唔会因为酱汁搞到淋哂，而且只只都好饱满多肉。川味海虾阔条面🦐 $108 + 10% **店铺限定有啲新颖既配搭，证明除左坊间常见既红白汁，仲可以有好多组合。而味道方面就好似台式既麻辣拌面🌶，又有啲似豉椒炒蚬🧄，但换上左手工阔条面。佢既手工意粉比较有咬口，带微微既麦香味。哩个配搭有趣得黎仲好岩一众嗜辣同好。甲罗烧蟹膏炖饭🦀 $168 + 10% **店铺限定蟹盖入面放满蟹籽﹑蟹肉﹑软同硬蟹膏，配上用忌廉汁煮成既炖饭🍚，成件事好丰富。初初食落蟹味🦀唔算好出，但越食就越觉得蟹味充斥住系个口腔，唔系好澎湃好浓郁，而系恰到好处个种。整体上我觉得味道唔错，系会推介大家黎试试😚。不得不赞碟碟既摆盘都好有心思，适合打卡用之外，睇住咁靓既野食，心情都会格外舒畅。提提大家晚市时间都好满座🈵，记得订左枱先喇。