柴夫人魚館

营业中

休息中

柴夫人鱼馆位于尖沙咀，喺正香港嘅正中心，无论住边度嘅朋友都方便就脚～餐厅最有特色嘅招牌豆花鲈鱼锅，嚟到一定要试吓😋呢度创意菜式运用咗豆腐花嘅香滑，加落去鲈鱼锅度令到口感更加丰富，味道更有层次。比较嫩滑清甜嘅味道先刺激味蕾，提起食欲之后香辣嘅后劲先系精华，真系食过翻寻味😍其他配料都好足料，吸收咗汤底嘅精华令到牛丸、虾等都份外好味。最重要嘅就系鲈鱼又滑又有鱼味，大大条性价比超高！另一道值得推介嘅必试菜式就系粉丝虾煲。作为一个海鲜控，真系食得好过瘾。虾煲非常够火候，时间拿捏得恰到好处，蒜茸将虾嘅鲜味迫晒出嚟，同时又唔会煮得太老破坏虾嘅口感。最正系啲粉丝，吸收晒虾汁，真系食到欲罢不能！总括而言，餐厅性价比非常高，以呢个地段价钱都好相宜，味道好份量足，无论系自己行过想食个lunch或者约埋朋友嚟一齐dinner都合适，推介大家嚟试吓！