Banabana (已結業)

果汁同火箭到底可以有咩關係🍓🍹🚀？前兩日去旺角行街果陣，經過一間用星球同火箭做主題既健康果汁店，成間店擺滿一d星球印仔好colourful，想飲咩味完全由自己話事！😎首先就可以去控制台揀3個水果星球放係火箭到，每個星球仲會寫明kcal，將個火箭交比店員就會即刻幫你打成果汁架喇，之後有張得意既卡寫埋成份同總kcal😛我就揀左野莓星+芒果星+益力多星🌎($34)，加埋205kcal好過飲汽水啦係咪先，飲落好fresh，感覺水果都幾足料唔會加左水，味道酸酸甜甜，夏天飲好開胃同消暑，芒果既味道比較突出，整體我揀既呢個配搭都幾夾，即刻覺得自己好健康同會有便便痾😂