餓媽家姐 (已搬遷) 新店位置

网上见到炸烧卖有14只口味嘅酱，就吸引到我去试伏了～ 1️⃣ XO酱牛肉蛋炒肠粉 $44 (⭐️评分：6/10)味道不过不失，但坦白讲有少少失望。肠粉几滑身，牛肉炒得啱啱好，份量对$44嚟讲都充足。自问唔算好重口味嘅人，但感觉整体味道较淡，XO酱味亦唔出，另外略嫌肠粉偏油腻，食完成个底都系一层油。2️⃣ 炸烧卖 + 甜酸火龙果酱 +$24 （⭐️评分：7/10）消费满$30以上，+$20可以追加套餐，所以我点左+ 5粒炸烧卖餐，再+$4可以配特别酱，当然就点左得呢度先有嘅火龙果酱。炸烧卖炸完感觉唔会太油腻，口感几新奇。火龙果酱有淡淡嘅甜酸味，配炸烧卖系唔错嘅，但火龙果味就真系食唔到。 整体感觉唔差，创意满分，但冇人哋吹嘘到咁好食。